Миксер ин асбобест, ки бо ёрии он хамирҳои гуногун омехта ё лат зада тайёр мешаванд. Ин имконро барои миксерҳо кқсматҳои иловагӣ медиҳанд, ки бо воситаи онҳо хамир лат зада ва саришта мешавад.
Одатан онҳо ду намуд мешаванд: ҷорӯбак ва печутобхӯрда. Худи миксерҳо дастӣ ва худкор мешаванд. Миксерҳои дастиро чун аз номаш алакай маълум аст, вақти корбарӣ бояд дар даст доред ва ин барои баъзеи кадбонуҳо на он қадар кулай аст. Миксерҳои худкор бошанд бо зарфи иловагӣ ва такягоҳе, ки ба онҳо ин зарф гузошта мешавад, таҷҳизонида шудаанд ва аз ҷиҳати иқтидор низ назар ба миксерҳои дастӣ пуриқтидортар мебошанд. Ба гайр аз иқтидор ҳангоми харидорӣ боз ба миқдори суръатнокӣ низ диққат кунед, чунки барои корҳои гуногун суръати гуногум лозим аст.
Чӣ хел бояд миксери босифатро интихоб кард?
Ҳангоми интихоби миксер диққати махсус бояд ба иқтидор, намуд ва хусусиятҳои кори ин асбоби барқӣ дода шавад. Инчунин ҳатман ба сифати қисматҳои иловагӣ яъне насадкаҳо низ аҳмият диҳед. Онҳо бояд аз метали сифатноку қавӣ сохта шуда бошанд. Ҳангоми харидани миксерҳои дастӣ дар хотир доред, ки иқтидори 180-220 вт барои миксер кофӣ аст. Иқтидори миксерҳои худкор аз 270 то 350 вт буда, барои иҷрои ҳаҷми зиёд пешбинӣ шудааст.
Миксерҳои муосир ба ғайр аз ҷиҳози он, яъне насадкаҳои оддӣ боз ҷиҳозҳои махсуси гуногун, ки бо воситаи онҳо нафақат хамирро лат зада омехта мекунанд, балки барои тайёр кардани коктейлу омехтаҳои дигар пешбинӣ шудаанд, шуткачаҳои махсус барои моеъҳо, стаканчаи ченкунӣ, белчаҳои махсус барои омехтакунии қошуқмонанд ва ҳатто ҷиҳозҳои махсуро, ки баъд аз истифода асбобро тоза мекунанд, доранд.
Истеҳсолкунандагон барои баланд бардоштани сифати маҳсулоташон ва барои муддати тӯлонӣ истифода бурдани маҳсулоташон бисёр функтсияҳои иловагиро пешбинӣ кардаанд. Масалан, миксерҳое ҳастанд, ки ҳангоми кор агар сахт гарм шаванд, хомӯш мешаванд. Инчунин бисёрии миксерҳо тугмачаи партофти ҷиҳозро доранд. Ширкатҳои зиёд ин таҷхизоти дар ошхона муҳимро истеҳсол мекунанд, аммо моли босифат истҳесоли ширкатҳои Philips, Moulinex, Bosch ва ғайра ба ҳисоб мераванд.
Нет комментариев