Тарзи дурусти интихоби хокаи тозакунандаи доғро медонед?

0
399 просмотров

Боиси таассуф аст, ки дар баъзе маврид либоси тоза дорои ин ё онгуна доғ мегардад. Бо мақсади тозакунии доғ либосро шустан зарурият надорад. Ба диққати Шумо мерасонем, ки тозакунандаҳои доғ ба намуди моеъ, хока ва қаламшакл бароварда мешаванд. Тозакунандаҳои доғи қаламшакл мусоид буда, онҳоро дар ҳар маврид, тозакунандаҳои доғи моеъро барои матоъҳои махсус, тозакунандаҳои доғи хокаро бошад, барои ҳама намуди матоъҳо истифода мебаранд.

Имрӯзҳо хокаи тозакунандаи доғро ширкатҳои дар ҷаҳон машҳур «Эйс Окси Мэгик, Эстониш Окси Эктион, Ваниш Окси Эктион, Юплон, Мистер ДЕЗ, Неон Окси» мебароранд. Хокаҳои тозакунандаи доғи ширкатҳои мазкур сифати хуб дошта, ба талаботи стандарти ҷаҳонӣ мувофиқат менамоянд. Онҳо доғҳоро на кам аз 90% тоза мекунанд.

Тарзи дурусти интихоби хокаи тозакунандаи доғро медонед?

Пас,   ба маслиҳатҳои мо оид ба интихоби дурусти хокаи тозакунандаи доғ дар мағозаю бозорҳо гӯш диҳед.

Дар вақти харидорӣ намудан ҳатман ба навиштаҷоти маҳсулот диққат диҳед. Дар он рӯйхати матоъҳое, ки барои онҳо хокаи тозакунандаи доғи мазкурро истифода мебаранд, бояд инъикос гардида бошад. Барои матоъҳои гулдор ва рангаро аз доғ тоза намудан, хокаи тозакунандаи доғи бехлорро интихоб намоед. Чунки хлор сабаби пастшавии ранги матоъ шуда метавонад. Агар хоҳед, ки ҳам ранги матоъи куртаатон осеб набинад, ҳам матоъи сафед аз доғ тоза гардад, хокаи тозакунандаи доғро бо навиштаҷоти «с активным кислородом» интихоб намоед. Чунин намуд хокаҳои тозакунандаи доғ моддаҳои тамъиз, яъне моддаҳои дезинфексиониро ҳам доранд. Агар шумо аллергия дошта бошед, бояд хокаи тозакунандаи доғро бо навиштаҷоти «барои аллергиядорон»-ро интихоб намоед.

Ҳама намуди моддаҳои тозакунандаи доғро якбора дар либос не, балки дар як пораи хурди матоъи либос ё дар қисми дарунии он санҷед. Пеш аз оғози кор, ҷои доғро аз чирку чанг бо чутка тоза карда, гирду атрофи доғи либосро бо об тар кунед. Дар вақти тозакунии доғ пӯшидани дастпӯшаки резиниро аз хотир набароред, то ки пӯсти дастонатон осеб набинад.

Агар имконияти харидорӣ намудани хокаи тозакунандаи доғро надошта бошед, мо ба шумо оид ба тозакунии доғи либос бо ёрии маводҳои дар хонаатон буда, якчанд маслиҳатҳои муфид медиҳем. Бодиққат бошед!

-доғи шоколадро бо воситаи намакоби шӯр ё маҳлули спирти нашатир;

-доғи малинаро бо воситаи қисми баробари уксус ва афшураи лиму;

-доғи хунро дар матои пашмин бо воситаи аспирини дар обиширгарм ҳалнамуда;

— доғи каҳваро бо воситаи қисми баробари глицерин, спирти нашатир ва об дар муддати як шабонарӯз тар намуда, тоза кардан мумкин аст.

Азизон, мехоҳед доғҳои сару либосатонро ботезӣ нест гардонед, пас хокаҳои тозакунандаи доғро  аз ширкатҳои номдор харидорӣ намуда, онҳо дуруст истифода баред.

 

Нет комментариев

Также рекомендуем