Таваллуди чоргоникҳои навбатӣ дар шаҳри Душанбе

1
1 609 просмотров

Як модари 23-сола аз шаҳри Панҷакент дар тавалудхонаи №1-и шаҳри Душанбе чоргоник ба дунё овард.

Субҳия Норинова, сокини 23-солаи деҳаи Варзиканди шаҳри Панҷакент тӯли як моҳи ахир зери назорати табибони таваллудхонаи №1-и шаҳри Душанбе қарор дошт ва бегоҳии 22-юми май 3 духтар ва 1 писар таваллуд кард. Масъулини таваллудхонаи №1-и пойтахт мегӯянд, вазъи кӯдакон дар умум хуб аст, аммо аз сабаби пеш аз мӯҳлат ба дунё омаданашон ҳоло дар Шӯбаи эҳё нигоҳ дошта мешаванд.

Шавҳари Субҳия, модари чоргоникҳо Муродбек Бердиев дар Русия дар муҳоҷирати корӣ қарор дорад.

Шаҳноза Каримова, навбатдори калоне, ки шоми 22-юми май кӯдаконро момоягӣ кардааст, мегӯяд, яке аз кӯдакон бо 1 кг 350 грам ва боқӣ 3 нафари дигар 1 кг 100 гр вазн ба дунё омаданд.

— Субҳия дар Шуъбаи потологияи ҳомиладорӣ тӯли як моҳи зери назорати мо буд, зеро қаблан медонистем, ки ӯ чоргоник таваллуд мекунад. Шаби 22-юми май дарди таваллуд дар ӯ пайдо шуд ва ягон роҳи пешгирӣ кардани ин таваллуди пеш аз мӯҳлат набуд. Соати 11:40 кӯдакон бо садои гиря ба дунё омаданд. Дар таҷрибаи ман ин бори аввал аст, ки чоргоник таваллуд мешавад. Қаблан 2-3 гоник таваллуд шуда буд, аммо чоргоник таваллуд нашудааст. Дар таърихи таваллудхона қаблан ин гуна таҷриба буд, вале онҳо дар 4-5 моҳагӣ таваллуд шуда зинда намонда буданд. Вазъи саломатии модари кӯдакон хуб аст,-таъкид кард Каримова.

Шаҳноза Каримова мегӯяд, ҳоло маълум нест, ки кай кӯдаконро бо модарашон аз таваллудхона ҷавоб медиҳанд ва ин вобаста аст аз худи чоргоникҳо, ки кай беҳтар мешаванд.

Аммо Наргис Ниёзова, духтуре, ки чоргоникҳоро парасторӣ мекунад мегӯяд, вазъи кӯдакон на он қадар хуб аст ва онҳо зерои назорати ҷиддӣ мебошанд.

Субҳия Норинова, модари чоргоникҳо мегӯяд, якбора соҳиб шудан ба 4 фарзанд ӯро хеле хушбахт кард. Вале ӯ мегӯяд то ҳол ба фарзандонаш ном нагузоштааст.

Ин дуввумин таҷрибаи таваллуд шудани чоргоник дар соли равон аст. Моҳи феврали соли равон Гулшан Маҷнуноваи 26-сола, сокини ноҳияи Ёвон чоргоник дар дунё оварда буд. Президенти Эмомалӣ Раҳмон ба ин оила дар маркази шаҳри Душанбе як хонаи 3-ҳуҷрагӣ тақдим кард.

Солим таваллуд шудани чоргоник дар Тоҷикистон воқеаи камназир аст.

Дар ин бора  www.tojnews.tj хабар медихад.

1 comment

Опубликовать новый комментарий

Также рекомендуем

Президент ФИФА поздравил «Истиклол» с победой в чемпионате Таджикистана

Президент Международной федерации футбольных Ассоциаций Джанни Инфантино поздравил душанбинский футбольный клуб «Истиклол» с победой в чемпионате Таджикистана. Как сообщает официальный сайт ФФТ, в письме главы ...