7-уми феврали соли 2019 Федератсияи байналмилалии футбол (ФИФА) рӯйхат ё худ раддабандии нави мунтахабҳоро мунташир намуд. Дар ин рейтинг мунтахаби футболи Тоҷикистон мавқеашро иваз накарда, дар мақоми 120-ум қарор гирифт. Дар ҳоли ҳозир мунтахаби миллии Тоҷикистон бо касби 1155 хол дар зинаи 120-ум қарор дорад. Аз минтақаи Осиё бошад, мунтахаби Қатар баъди қаҳрамон шудан дар Ҷоми Осиё-2019 яку якбора 38 зина боло рафта, бо касби 1398 хол дар мақоми 55-ум ҷой гирифт. Тими миллии Белгия бо касби 1727 хол садрнишини ҷадвал мебошад. Дар зинаи дуюм тими Фаронса бо 1726 имтиёз ва дар ҷойи сеюм бошад, Бразилия бо касби 1676 хол ҷойгир шудаанд.

Раддабандии нави ФИФА:

1. Белгия (1727 имтиёз)

2. Фаронса (1726)

3. Бразилия (1676)

4. Хорватия (1634)

5. Англия (1631)

6. Португалия (1614)

7. Уругвай (1609)

8. Швейтсария (1599)

9. Испания (1591)

10. Дания (1589)..

120. Тоҷикистон (1155)