Тоҷикистон мехоҳад ҳамкориро дар соҳаи тандурустӣ бо Русия густариш диҳад

0
438 просмотров

Табибони тоҷик аз ҳамкасбони руси худ хостаанд ҷиҳати ҳамкорӣ дар масъалаҳои мубрами рушди низоми тандурустии ду кишвар мусоидат кунанд. Ба гузориши АМИТ “Ховар” бо такя ба ТАСС, дар ин бора рӯзи чаҳоршанбе муовини аввали Вазири тандурустӣ ва ҳифзи иҷтимоии аҳолии Тоҷикистон Ғафур Муҳсинзода (ДАР АКС) зимни ҳамоиши “Вазъият ва дурнамои ҳамкории башардӯстона миёни Тоҷикистон ва Русия: маориф, илм, маданият», ки дар реҷаи онлайн гузашт, ибрози назар намуд.

«Ҷониби Тоҷикистон аз Русия хоҳиш мекунад, ки дар рушд ва тавсеаи ҳамкорӣ оид ба <…> масъалаҳои мубрами рушди системаҳои тандурустии ду кишвар мусоидат намояд», — гуфт ӯ дар ҷараёни ҳамоиш, ки дар доираи омодагӣ ба Форуми ҳафтуми байнипарлумонии Тоҷикистон ва Русия гузашт.

Ба гуфтаи Муҳсинзода, аз ҷумла, сухан дар бораи омода кардани мутахассисони тоҷик дар заминаи марказҳои илмию клиникии Русия, гузаштани курсҳои такмили ихтисос, ординатура, аспирантура, докторантура аз рӯи баъзе ихтисосҳо, инчунин расонидани кумаки техникӣ барои таъсиси маркази вирусология ва микробиология дар Тоҷикистон меравад.

Муҳсинзода ҳамчунин зикр кард, ки дар ин марҳила ҳамкорӣ миёни Вазорати тандурустии ҷумҳурӣ ва Роспотребнадзор ҷиҳати мусоидат дар кори пешгирӣ ва ташхиси бемориҳои сироятӣ идома дорад.

Манбаъ: АМИТ «Ховар»

Нет комментариев

Также рекомендуем

CУТ дар бораи давоми як шабонарӯз ба қайд гирифтани беш аз 205 ҳазор ҳолати сироятёбӣ аз коронавирус хабар дод

Тибқи маълумоти Созмони умумиҷаҳонии тандурустӣ (СУТ), ки 21 июл нашр шудааст, давоми як шабонарӯзи охир шумораи ҳолатҳои тасдиқшудаи сироятёбӣ аз коронавируси нав дар ҷаҳон беш ...

Сообщить об опечатке

Текст, который будет отправлен нашим редакторам: