Ғуломҷон Мирдадоев: Ҳарфзаниро бисёр дӯст медорад

0
163 просмотров

Садои дилнишин, нигоҳи гарм ва муносибати хуби инсониро ба худ доро асту ҳар як суханашро бо меҳру муҳаббат баён мекунад. Маҳз ҳамин хислати хубаш ӯро шахси номвар карду ба дигарон ошно намуд. Ва ӯро ҳама мешиносанду эҳтиром мекунанд, зеро дар ҳар як таронае, ки зам-зама мекунад ҳамаро ба ҳам меоварад, алалхусус  ошиқони шайдоро, ки дар кӯчабоғи ишқ қадам мегузоранду баъзан ранҷ мекашанд.Аммо таронаҳои ошиқонаи  Ғуломҷон Мирдадоев  тавонистанд, ки онҳоро дар кӯи яъсу ноумедӣ бадар созад ва дигар ба ҳам оварад. Ҳадаф аз ин гуфтаҳо дар чист?Мо  сӯҳбати сари мизӣ доштему чанд саволро аз эшон пурсон гаштем ва мусоҳибамон ҳам ба саволҳо ҷавоб дод, ки ин лаҳза пешкаши Шумо, хонандаи азиз мегардад.

 

Муҳаббати Шумо нисбат ба касби санъаткорӣ, чӣ гуна пайдо шуд ва ё кӣ Шуморо ба ин олами пур аз меҳр водор сохт?

Ғуломҷон Мирдадоев: Ташаккур, медонед оилаи мо оилаи санъаткорон ба ҳисоб меравад, чунки падари бузургворам, устоди аввалинам ҳастанд ва боқӣ хоҳанд монд ва аз овони кӯдакиам асрори санъатро  ба ман омӯзонида истодаанд.Gulomjon- дар Тироз

Ба ғайр аз сарояндагӣ ба ягон касбӣ дигар ҳам шуғл меварзед?

Ғуломҷон Мирдадоев:Дар касби дигар ҳам кору фаъолият мебарам, ин ҳам бошад, ба ҳайси адвокат,яъне,чун ҳуқуқшинос аз соли 2011 инҷониб кор мекунам. Албатта, машғул шудан дар як вақт  бо ду касб мушкилиҳои зиёд ба миён меорад, лекин ман ҳамаи инро бо хубӣ паси сар менамоям. Ҳамзамон, қайд кардан ба маврид аст, ҳар нафаре, ки вақти худро хуб тақсим карда метавонад, ба кулли ҳадафҳояш мерасад.

Нахуст консерти худро кай ва дар куҷо баҳри мухлисонатон пешкаш намудеду онро ҳаводоронатон чӣ гуна қабул карданд?

Ғуломҷон Мирдадоев: Нахустин консерти худро соли 2013 дар Кохи ба номи устод Рӯдакӣ баргузор намуда будам, ки аз ҷониби тамошобинони азиз ва ҳамзамон,дар як вақт метавонам бигӯям, мухлисони азизам хуб қабул гардид. Аз нахуст консерте, ки пешниҳод намудам, хеле хушҳол ҳам будам, зеро ин лаҳзаро ҳеҷ гоҳ аз хотир нахоҳам баровард. Ва дар нақша дорам, ки рӯзҳои наздик консерти навбатии худро баҳри мухлисонам пешкаш намоям.


Барои омода кардани таронаи нав сароянда кадом мушкилиҳоро паси сар менамояд?

Ғуломҷон Мирдадоев: Барои омода кардани як тарона санъаткор, чанд мушкилиро паси сар менамояд.Лекин ҳар як сароянда мехоҳад, ки сурудуи эҷодкардаи ӯ писанди мухлисонаш бигардад ва вақте, ки ин тарона писанди хотири шунаванда гашт ҳамаи ин мушкилиҳоро метавон дар кӯтоҳтарин фурсат фаромӯш кард.

Шумо ҳамчун сароянда нисбат ба истифодаи фонаграмма чӣ назар доред ва аслан аз ҳамин чиз худи Шумо ҳам истифода мебаред?

Ғуломҷон Мирдадоев: Нисбат ба сарояндагоне, ки дар тӯю маъракаҳои мардум аз фонаграмма истифода мебаранду месароянд, хушам намеояд ванисбат ба баровардани ин чиз зид нестам, лекин истифода намудани ҳарчиз ҷойгоҳи худро дорад. Худи ман ҳам аз фонаграмма истифода мебарам, на дар тӯю маъракаҳои мардум, балки дар маконе, ки бояд аз он истифода мебаранд (масалан, консетрҳо дар варзишгоҳ, мавзеи кушод).

Савол аз ҷониби шунаванда! Мехостам дар бораи оилаатон чанд сухан мекардед?

Ғуломҷон Мирдадоев: Албатта,маноиладорва соҳиби ду фарзанди дӯструяку нозанин ҳам мебошам, ки ҳардуяшон писар ҳастанд.

Вобаста ба оне, ки гуфтед,ман ду писар дорам, дар оянда фарзандони Шумо гӯянд, падар ман ҳам сароянда мешавам  иҷозат медиҳед?

Ғуломҷон Мирдадоев: Бале, барои чӣ розигӣ надиҳам,ҳатман иҷозат медиҳам, зеро дар овони хурдӣ санъаткор мешавам,-гуфтаи маро падарам монеа эҷод накардан ва ман ҳам рад намекунам хоҳишу завқи онҳоро, чун онҳо аллакай ин касбро интихоб карданд. Аслан ҳар касвақте бузург мешавад, пас дар дилаш оташаке фурӯзон мешавад, ки  бояд дар ҷое таҳсил кунадва ё ягон касбро интихоб намояд.

Ба Шумо кадом хислатҳои инсонӣ писанд аст?

Ғуломҷон Мирдадоев: Пеш аз ҳама он нафароне, ки сухани дурӯғ намезананд ва он нафаре, ки сухани бисёр мегӯяд,писанданд, зеро худи ман ҳам бисёр ҳарф гуфтанро дӯст медорам.

 Ба нафароне, ки ҳамчун санъаткор қадамҳои худро нав ба саҳна мегузоранд,  чӣ тавсия медиҳед?

Ғуломҷон Мирдадоев: Ба ҷавононе, ки қадамҳои худро нав ба саҳнаи ҳунар мегузоранд, ҳаминро гуфтаниам, ки андеша намоянд ва пас аз он рӯй биёранд ба касби сарояндагӣ, зеро ин касб на онқадар касби осон аст. Дар ин ҷода, бояд инсон тамоми масъулияташро равона созад.

 Дар фарҷом таманниёти Шумо ба мухлисонатон?

Ғуломҷон Мирдадоев: Ба ҳамаи ҳамватанони азизам ва кулли мухлисону ҳаводорони гиромиам хушиву хуррамиҳои зиндагиро таманно дорам. Бигзор ҳамеша дар хонадонашон садои хандаи тифл баланд гардад.

Мо низ ба Шумо тамоми хушиҳо ва қуллаи баланди санъатро хоҳонем.

Gulomjon Mirdadoev – Nilufar from Portal Tiroz on Vimeo.

Нет комментариев

Также рекомендуем