Хатти оби тозаи нӯшокии «Навобод – Сомониён — Моҳпарӣ» ба истифода дода шуд

3
1 174 просмотров

обДирӯз Раиси вилояти Суғд бо як сафари корӣ ба шаҳри Исфара ташриф оварда, дар маросими ифтитоҳи чанд иншоот иштирок намуд. Нахуст бо иштироки Раиси вилоят хатти оби тозаи нӯшокии «Навобод – Сомониён — Моҳпарӣ» мавриди истифода қарор дода шуд. Ҷоизи зикр аст, ки бунёди хатти оби нӯшокӣ тибқи супориши Президенти мамлакат Эмомалӣ Раҳмон рӯйи кор омада, он ҷиҳати бо оби тозаи нӯшокӣ таъмин намудани наздик 13 ҳазор оила ё худ 65 ҳазор нафар аҳолии маҳаллаҳои нави аҳолинишини шаҳри Исфара, аз ҷумла зиёда аз 5 ҳазор хонаводаи ба мавзейи тозабунёди Моҳпарӣ маскуншаванда мусоидат менамояд. Ба шарофати амали гаштани ин иқдоми бунёдкорона ҳамчунин мушкилоти сокинони маҳаллаҳои 14, 15 ва 16, инчунин маҳаллаҳои Сомониён ва Сомониёни нав ҷиҳати норасоии оби нӯшокӣ аз байн рафт.

Пудратчии асосӣ ҶДММ «Ифтихор ва ширкат» буда, иншооти мазкурро, ки дарозои 11706 метр ва ҳам дорои зеристгоҳи барқии обкашӣ (насосӣ) мебошад, бо ҳамдастии мутахассисони Корхонаи давлатии фаръии обтаъминкунӣ ва канализатсияи шаҳри Исфара, Ҷамъиятҳои саҳҳомии «Шабакаҳои барқии Исфара» ва «Ширкати сохтмонии Исфара» дар мӯҳлати басо кӯтоҳ — ҳамагӣ 4 моҳ бунёд намудаанд.

Маблағи лоиҳавии иншоот ва корҳои анҷомдодашуда 5 миллион сомонӣ буда, 3, 5 миллион сомонии он аз ҳисоби буҷети вилояти Суғд ва 1, 5 миллион сомонӣ аз ҳисоби буҷети маҳаллӣ ва маблағҳои худӣ, саҳмгузории аҳолӣ харҷ гардидааст.

Раиси вилоят дар мулоқот бо сокинон иброз дошт, ки дар ин мавзеъ аз ҳисоби буҷети вилоят ду мактаби замонавӣ, як маркази тиббӣ, маркази ҷавонон бунёд ва ба истифода дода мешавад.

Ба муносибати ба истифода додани хатти оби нӯшокӣ ва бо умеди ободсозии мавзеи Моҳпарӣ дар ин рӯз чанд нафар сокинони шаҳру деҳоти Исфара соҳиби қитъаҳои замини наздиҳавлигӣ гардиданд.

Дар раванди сафари кории Раиси вилоят ба шаҳри Исфара дар маркази шаҳр боз ду иншооти сеошёнаи дигар – коргоҳи дӯзандагӣ ва маҷмааи хизматрасонии «Марворид», ки дорои 50 ҷойи нави корӣ аст, аз ҷониби соҳибкорон Раъно Маҳмудова ва Шаҳзода Сайфиддинова, инчунин маҷмааи истеҳсолию маҷмааи тиҷоратии «Наврӯз» аз ҷониби соҳибкор Убайдуллоев Азизхӯҷа бо 100 ҷойи нави корӣ ба истифода дода шуданд.

Ба туфайли мавриди истифода қарор ёфтани маҷмааи истеҳсолию маҷмааи тиҷоратии «Наврӯз» Ташкилоти амонатию қарзии «Арванд» соҳиби макони доимӣ гардид.

Бояд тазаккур дод, дар доираи амалиёти бунёдкоронаи соли 2015 дар ҳудуди шаҳру деҳоти Исфара беш аз 60 адад иншоотҳои нав сохта ба истифода дода хоҳанд шуд. Дар ин бора sugd.tj хабар медиҳад.

3 comments

Опубликовать новый комментарий

Также рекомендуем

США приняли окончательное решение

Решение Вашингтона выйти из Договора о ракетах средней и малой дальности (ДРСМД) — окончательное и не является приглашением к диалогу. Об этом в интервью газете «Коммерсантъ» сообщил ...
%d такие блоггеры, как:

Сообщить об опечатке

Текст, который будет отправлен нашим редакторам: