Бо мақсади дастгирии рушди савдои байналмилалӣ, баланд бардоштани нерӯи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоягузорӣ ва воридоти технологияҳои муосир рӯзҳои 6 ва 7 июли соли 2018 дар иншоотҳои Муассисаи давлатии Қасри варзиши шаҳри Хуҷанд Ярмаркаи V байналмилалии савдо “Суғд-2018” гузаронида мешавад.
Дар ин бора қарори иҷрокунандаи вазифаи Раиси вилояти Суғд аз 9 марти соли 2018, №79 ба тасвиб расид.
Дар доираи Ярмаркаи V байналмилалии савдо “Суғд-2018” ташкили Форуми тиҷоратию сармоягузорӣ дар мавзӯи “Нерӯи содиротӣ ва рушди савдои байналмилалӣ” ва озмуни вилоятии “Маҳсулоти беҳтарин” низ дар назар дошта шудааст.
Манбаъ: Хадамоти матбуоти Раиси вилояти Суғд
Нет комментариев