Замони баргузории бозиҳои даври панҷуми Чемпионати Тоҷикистон дар Лигаи олӣ муайян шуд

0
515 просмотров

Бозиҳои даври панҷуми Чемпионати Тоҷикистон оид ба футбол-2022 миёни дастаҳои Лигаи олӣ 30 апрел ва 1 май дар варзишгоҳҳои мамлакат баргузор мегарданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар даври мазкур дастаҳои футболи «Хатлон»-и шаҳри Бохтар бо «Хуҷанд»-и шаҳри Хуҷанд, «Истиқлол»-и шаҳри Душанбе бо «Файзканд»-и ноҳияи Восеъ, КМВА-и шаҳри Душанбе бо «Равшан»-и шаҳри Кӯлоб, «Регар-ТадАЗ»-и шаҳри Турсунзода бо «Эсхата»-и шаҳри Хуҷанд ва «Равшан»-и ноҳияи Зафаробод бо «Истаравшан»-и шаҳри Истарвшан миёни ҳам бозӣ мекунанд.

23-24 апрел дар варзишгоҳҳои мамлакат бозиҳои даври чоруми Чемпионати Тоҷикистон оид ба футбол-2022 миёни дастаҳои Лигаи олӣ хеле ҷолиб баргузор шуданд. Пас аз мағлубият дар бозии хонагӣ ба муқобили дастаи КМВА (1:2) сармураббии дастаи футболи «Хуҷанд»-и шаҳри Хуҷанд Рустам Хоҷаев тасмим гирифт, ки аз роҳнамоии клуб канор равад. Дастаи КМВА-и шаҳри Душанбе бо роҳбарии мутахассиси эронӣ Амин Субҳонӣ сеюмин пирӯзии пайиҳамро дар оғози мавсим ба даст овард. Дар даври чорум артишиҳо дар меҳмонӣ бар дастаи футболи «Хуҷанд»-и шаҳри Хуҷанд бо ҳисоби 2:1 ғалаба карданд.

Дастаи футболи «Хатлон»-и шаҳри Бохтар бо ҳисоби минималӣ (1:0) дастаи «Файзканд»-и ноҳияи Восеъро шикаст дод. Голи ягонаро Умарҷон Шарипов дар дақиқаи 45 ба нишон расонид. Бо 10 хол аз чор бозӣ дастаи Аслиддин Ҳабибуллоев дар садри ҷадвал қарор дорад.

Дастаи футболи «Равшан»-и шаҳри Кӯлоб дар майдони худ натавонист бар дастаи «Равшан»-и ноҳияи Зафаробод пирӯз шавад (1:1). Ба голи задаи Абдухалил Боронов зафарободиҳо тавассути зарбаи нишонраси Азимҷон Мавлонов ҷавоб доданд.

Пас аз нокомиҳои пайиҳам дастаи футболи «Регар-ТадАЗ»-и шаҳри Турсунзода аввалин пирӯзиашро ҷашн гирифт. Футболбозони шаҳри Турсунзода дар меҳмонӣ бар дастаи футболи «Истаравшан»-и шаҳри Истравшан бо ҳисоби 1:0 ғалаба карданд. Голи ягонаро Фатҳулло Фатҳуллоев ба нишон расонид.

Мавқеи дастаҳо дар ҷадвали мусобиқа

Ҷ ДАСТАҲО Б Ғ М Б Т/Т И
1 «Хатлон» (Бохтар) 4 3 1 0 7-3 10
2 КМВА (Душанбе) 3 3 0 0 5-1 9
3 «Истаравшан» (Истаравшан) 3 1 1 1 5-1 4
4 «Хуҷанд» (Хуҷанд) 4 1 1 2 4-3 4
5 «Регар-ТадАЗ» (Турсунзода) 4 1 1 2 3-4 4
6 «Равшан» (Кӯлоб) 3 1 1 1 3-4 4
7 «Файзканд» (Восеъ) 4 1 1 2 3-7 4
8 «Эсхата» (Хуҷанд) 3 1 0 2 4-6 3
9 «Равшан» (Зафаробод) 4 0 2 2 3-8 2
10 «Истиқлол» (Душанбе) 0 0 0 0 0-0 0

 Манбаъ: АМИТ «Ховар»

Нет комментариев

Также рекомендуем

Android – соҳибони смартфонро назорат мекунад

Коршиносони фаронсавӣ муайян кардаанд, ки замимае ҳаст, ки маълумотҳои шахсии истифодабарандаи Android-ро назорат мебарад. Барои иштирок дар омӯзиш, 10 ихтиёриён, ҷалб шуда ба ҳар яки ...

Сообщить об опечатке

Текст, который будет отправлен нашим редакторам: