Захираҳои тиллову нуқраи кони Канчоч ба тавозуни давлатӣ дохил шуданд

0
361 просмотров

zapasyzolotaiserebra_0Ахири соли равон дар толори Маркази иттилоотии Саридораи геологияи назди ҳукумати ҶТ ҷаласаи ҳайати васеи Комиссияи давлатии Тоҷикистон оид ба захираҳои канданиҳои фоиданок (КДЗ) баргузор гардид.

Бино ба иттилои хадамоти матбуоти Саридораи геология, дар ҷаласа маводҳои ҳисоботи геологии «Ҷустуҷӯи дақиқи тилло дар қисми аллохтонии рӯйпӯши минтақаи Зарафшон қитъаи Чулбои”, ки аз тарафи мутахассисон-геологҳои корхонаи воҳидии «Экспедитсияи иктишофи геологии Моғиён» пешниҳод шуда буд, баррасӣ гардид.

Ба иттилои манбаъ, бо муҳокимаи тӯлонӣ аз тарафи аъзоёни КДЗ захираҳои тилло ва нуқраи кони маъдани тиллодори Канчоч, қитъаи Чулбои бо назардошти эродҳои аъзоёни Комиссия ва тағйиру иловаҳо, бо варианти ҳисоби экспертӣ қабул гардида тасдиқ карда шуд.

Гуфта мешавад, дар натиҷа ба тавозуни давлатӣ захираҳои кони Канчоч қитъаи Чулбои аз рӯи категорияҳои С1 + С2 + Р1 ба миқдори 32066,7 кг – тилло ва 13812,7кг – нуқра ворид гардид.

Зимнан зикр гардид, ки аъзои КДЗ пешниҳодро оид ба гузаронидани корҳои дақиқи иктишофи геологӣ дар қитъаи Чулбоиро қобили қабул шумориданд.

Дар ин бора www.asiaplus.tj хабар медиҳад.

Нет комментариев

Также рекомендуем