Зебогии духтарони тоҷик аксбардорро аз Ню-Йорк тасхир кард

1005

Назир Аббос бо фахр худро чун тоҷики вахонӣ муаррифӣ мекунаду ба ҷаҳониён зебогии духтарони тоҷикро нишон медиҳад.
Зебогии духтари точик-1

Назир Аббос аксбардор буда, дар шаҳри Ню-Йорк зиндагӣ мекунад. Ӯ зодаи Покистон асту зуд зуд дар шабакаҳои иҷтимоӣ аксҳои духтарони тоҷикро бо либосҳои миллӣ нашр мекунад.

Тасмим гирифтем, ки сабаби дарҷи акси духтарони тоҷикро пурсон шавем.
Назир Аббос

«Ман дар вилояти Хунзаи Покистон ба дунё омадаам. Соли 2009 ба шаҳри Ню-Йорк кӯчидам», — нақл мекунад Назир Аббос.

Назир ба ҳайси арт-директор дар маҷаллаи амрикоии Reflection фаъолият мекунад. Дар вақтҳои холӣ, бо самимияти тамом дар кӯчаҳои шаҳр бо суратгир сайругашт мекунаду, ба аксбардорӣ машғул мешавад.

«Ман аксбардрорӣ мекунаму ба ҳайси фрилансер фаъолият дорам»,изҳор дошт ӯ.

Бархе Ню-Йоркро майдони фарҳанги миллатҳои гуногун меноманд, шояд барои ҳамин ҳам ман дар ин шаҳр ҳамеша ҳамватанони худро вомехӯрам.

«Ман аз Тоҷикистон, махсусан аз Помир рафиқони зиёд дорам, чун фарҳанги мо, забони мо (забони вахонӣ-яке аз шохаҳои забони помирӣ) як аст», — мегӯяд аксбардор. Барои ҳамин ҳам Назир бештар духтарони зебои тоҷикро аксбардорӣ мекунад.
Зебогии духтари точик-2

«Либосҳои миллии онҳо нотакроранд, аз ин рӯ барои ман танҳо аксбардории худи куртаҳо шавқовар аст. Онҳо ранги баланд доранд. Дар баробари ин ҳар як курта вобаста ба минтақа аз ҳам фарқ мекунад. Қисмҳои ороишӣ дар куртаҳо образи духтарони тоҷикро боз ҳам нотакрор мекунад», — мегӯяд ӯ.
Дар қиёс бо намояндагони дигар кишварҳои дунё дар Ню-Йорк тоҷикон каманд. Назир аллакай ҳар як зодаи Тоҷикистонро, ки ин ҷо ба сар мебарад, мешиносад.

«Тоҷикистониён мардуми оддӣ буда, ҳамеша муносибати дӯстона доранд. Онҳо ба ман монанданд, ё ман ба онҳо. Рости гап намедонам, ки онҳо аз дигар миллатҳо ҷӣ фарқият доранд, вале аломатҳои хусусии онҳоро дар сурат дарҷ кардан хеле осон аст», — қайд мекунад Назир.

Аксбардор изҳор дошт, гарчанде, ки вақти зиёди худро бо тоҷикистониён мегузаронад, боре ҳам дар Тоҷикистон набудааст. «Ман нақша дорам, ин тобистон ба Тоҷикистон сафар кунам. Ман бисер мехоҳам, ки якчанд ҳафта дар Душанбе сайру гашт карда, як моҳ дар кӯҳҳои Помир гашту гузор кунам», — мегӯяд суратгир.
Зебогии духтари точик-3

Духтари тоҷик дар Ню-Йорк

Аксари мардум аз ӯ суол мекунанд, ки чаро ӯ дар саҳифаҳои иҷтимоӣ худро ячун Abbas-tajik (Аббос тоҷик-шарҳ аз идора) муаррифӣ мекунад. Ӯ мегӯяд, ки қариб ҳар рӯз ба мардум сабаби интихоби лақабашро шарҳ медиҳад.

«Бархе бар онанд, ки ман бояд Аббаси помирӣ мебудам, оё ин фарқе дорад? Мо вахониҳо худро тоҷикони вахонӣ гуфта муарррифӣ мекунем, чун пешдодиёни мо аз Тоҷикистон буданд. Маҳз ба ҳамин хотир ман тасмим гирифтам, ки номи худро дар шабакаҳои иҷтимоӣ Аббос-тоҷик гузорам», — шарҳ дод ӯ.

Зебогии духтари точик-4

Ногуфта намонад, ки аз обективи Назир ҳатто Шаҳноз Эроншо, зебосанами тоҷик, ки Тоҷикистонро дар озмуни зебоии СММ муаррифӣ намуд, дар канор намонд.

Манбаъ: http://sputnik-tj.com/style/

НЕТ КОММЕНТАРИЕВ

ОСТАВЬТЕ ОТВЕТ