Оё медонед, ки муносибати пешхизматҳои тарабхона аз аз тарзи гузоштани лавозимоти хӯрокхӯрии Шумо вобастагӣ дорад? Агар дар тарабхона Шумо барои як лаҳза аз назди миз дур раведу боз пас омада бинед, ки табақи хӯрокхӯрӣ аллакай дар ҷояш нест, пас ҳайрон нашавед ва дар ҳол бо пешхизмати тарабхона муноқиша барпо накунед. Зеро он лавозимоти хӯрокхӯрии дар рӯи табақ гузоштаи Шумо шояд ба пешхизмат маънои ғалатро дода бошад. Бо дидани он шояд пешхизмат фикр кардааст, ки Шумо таомхӯриро ба охир расонидаед ва бинобар ин ӯ табақро бурдааст. Аз ин рӯ агар Шумо ба ин ҳолат дучор шуда, дар назди дигарон худро нохинҷор ҳис кардан нахоҳед, пас забони аломатҳои тарзи дуруст гузоштани лавозимотҳои таомхӯриро, ки дар тарабхонаҳо ба он қоида аҳмияти ҷиддӣ дода мешавад, ҳатман омӯзед.
Тартиби дуруст гузоштани лавозимоти таомхӯрӣ.
Ҳангоми хурокхӯрӣ дар тарабхона барои сӯҳбат ба берун баромаданӣ шаваед, нӯги корд ва чангакро дар шакли секунҷа рӯи табақ бо ҳам ҷафс карда монед. Бояд донист, ки чангак дар тарафи чап ва корд дар тарафи рости миз меистад. Агар дар ҳамин холат Шумо чангаку кордро рӯи табақ гузоред, пешхизмат ба он намерасад.
Агар шумо муддати дуру дароз аз сари мизи таомхӯри дур рафтанӣ бошед, корду чангакро болои ҳам дар рӯи табақ бо аломати ҷамъ гузоред. Аломати мазкур аз он далолат медиҳад, ки Шумо ҳоло хӯрокхуриро тамом накардаед. Ба ин қоида дар мамлакатҳои Аврупо хело аҳмияти ҷидди дода мешавад. Агар Шумо дар тарабхона ҳатто тасодуфан корду чангакро болои ҳам дар шакли чамъ рӯи табақ гузшта мошед, бароятон таоми дуюмро намеоранд.
Пас аз ба охир расидани таомхурӣ сачоқчаҳо ё дастпоккунҳои когазии чиркиншударо ба рӯи табақи холӣнагузоред. Агар Шумо хӯрокхӯриро ба охир расонида бошед, пас корд ва чангакро дар шакли бо ҳам паралел рӯи табақ гузоред. Аз ин нишон пешхизмат мефаҳмад, ки Шумо хӯрокро хурда шудаед.
Пешниҳоди қоидавии хӯрок дар тарабхона.
Отатан тамои яккумро дар табақи калону ҷукур пешниҳод мекунанд, ки дар зераш табақчаи хурд дорад. Баъд аз оне, ки Шумо таоми яккумро тановул кардед, қошуқро гирифта, ба болои табақи хурд гузоред. Вале агар Шумо хурокхӯриро бас накарда бошед, қошуқро дар дохили табақи калони чуқур гузоред. Дар ин ҳолат пешхизмат таоми дар наздатон бударо гирифта намебарад.
Сачоқчаи матоъгин.
Сачоқчаи матоъгин ё дастпоккуни латтагин низ метавонад дар ин масъала кӯмакрасони Шумо бошад. Агар дар тарабхона барои чанд лаҳзае аз сари мизи таом дур рафтанӣ бошед, дастпоккунро ба болои курсӣ гузоред. Вақте, ки ба сари мизи хӯрок баргаштед, онро гирифта ду маротиба қат кунед ва ба болои зонуҳоятон монед. Ҳангоми тарабхонаро тарк кардан бошад, сачоқчаро дар тарафи чапи табақ гузоред. Кӯшиш кунед, ки ҷои чиркиншудаи дастпоккун ноаён карда гузоред. Ҳаракат кунед, ки сачоқчаро дар шакли аввалааш печонида гузошта бошед. Агар ин маслиҳатхо бароятон дар зиндагӣ кор оянд, мо шод хастем!
Нет комментариев