Мутахассисони Eset вируси нави зараррасонро дарёфт карданд, ки дар намуди функтсияи зангзании видеоӣ дар WhatsApp истифодабарандагонро ба SMS-хизматрасониҳои гаронбаҳо пайваст менамояд. Имрўзҳо вируси нави зараррасон танҳо ба мессенҷерҳои испонизабон таҳдид дорад, лекин аз эҳтимол дур нест, ки маккорон дар ояндаи наздик доираи фаъолияти худро дар давлатҳои дигар низ васеъ намоянд.
Кормандони ширкати Eset, ки мутахассисони ботаҷрибаи мубориз бо замимаҳои зараррасони вирусӣ ва коркардкунандаи таъминоти барномавӣ зиддивирусӣ мебошанд, дар бораи дарёфт намудани вируси зараррасон дар мессенджери маъруфи WhatsApp хабар доданд. Барномаи зараррасони мазкур зери ниқоби замимаи маъмурӣ истифодабарандагонро маҷбур менамояд, ки СМС-хизматрасониҳои гаронарзишро дар гаджетҳои худ фаъол гардонанд.
Бадхоҳон дар шакли васеъ ба истифодабарандагони WhatsApp пайёмак мефиристонанд, ки онҳоро барои пайваст шудан ба функтсияи нави зангзании видеоӣ даъват менамояд. Барои истифода бурдан аз имконияти мазкур итифодабарандагонро зарур аст, ки замимаро то ба тафсири нав аз рўи истиноди (ссылка) ишорашуда аз нав таҷдид намоянд. Инчунин истиноди ишорашудаи мазкурро ба дўстони худ фиристонанд.
Аз ин инҷо пай бурдан душвор нест, ки гузариш ба истиноди ишоратӣ ин воситаи аз нав таҷдидсозии мессенджер набуда, балки воситаи қаллобию фиреб кардани итифодабарандагон мебошад, то ки онҳо ба SMS-хизматрасониҳои гаронарзиш пайваст шаванд.
Бояд қайд кард, ки дар бораи пайдоиши зангзанӣ тариқи видео дар WhatsApp аллакай каҳост, ки овозаҳо паҳн шудаанд. Худи коркардчиён бошанд, мегўянд, ки дар ин бора ҳанўз охири соли 2015-ум хабар дода буданд. Вале ҳоло бошад, ин зухуроти номатлуб рўз аз рўз дар шакли кушоду дастрас паҳн мегардад. Аз ин рў ҳоло он дараҷаи санҷиширо аз сар мегузаронад. Бинобар ин истифодабарандагон бояд донанд, ки ҳангоми воридшавии ин гуна пайёмак, ки пайвастшавиро ба функтсияи нав талаб мекунад, онро қабул накунанд ва ба ин чиз аҳмияти ҷиддӣ диҳанд.
Кормандони ширкати Eset қайд мекунанд, ки айни замон ин гуна огоҳиномаҳо танҳо ба истифодабарандагони мессенджер аз Испонё ва Амрикои Лотинӣ фиристода мешавад. Вале ба хакерон ягон монеае нест, ки ба наздикӣ ин гуна огоҳиномаҳоро барои истифодабарандагони мессенджери кишварҳои дигар фаъол гардонанд.
http://ict-online.ru/news/n131341/
Нет комментариев