Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дирӯз Раиси вилояти Суғд Раҷаббой Аҳмадзода дар маркази вилоят чанде аз собиқадорони меҳнатро аёдат намуд.
Раҷаббой Аҳмадзода нахуст ба Беморхонаи шаҳрии рақами 2 ташриф оварда, шоири ваҳдатсарои тоҷик, дорандаи Ҷоизаи адабии ба номи Камоли Хуҷандӣ Усмон Олимро, ки дар ин бемористон табобат мегирад, аёдат кард. Зимни суҳбат бо куҳансолтарин адиби ваҳдатсаро Раиси вилоят аз саҳми ӯ дар тарғиби ғояи ваҳдати миллӣ ёдоварӣ карда, ба Усмон Олим шифои комил хост. Усмон Олим барои ҳусни таваҷҷуҳ ва ғамхориҳои доимӣ ба Пешвои миллат муҳтарам Эмомалӣ Раҳмон изҳори сипос намуд.
Сипас, Раиси вилоят аз ҳоли собиқадори соҳаи маориф Наима Муъминова хабар гирифт. Наима Муъминова солҳои тулонӣ дар тарбияи насли наврас саҳми арзанда гузошта, имрӯз давлати пирӣ меронад. Ӯ шукри онро мекунад, ки дар чунин давлати ободу озод, зери осмони софу беғубор умр ба сар мебарад. Мавсуф фарзандонашро дар руҳияи ватандӯстӣ ва хештаншиносӣ тарбия намудааст, ки айни замон фарзандони ӯ дар соҳаҳои гуногун фаъолият доранд.
Раиси вилоят ҳамзамон собиқадори меҳнат Абдуҷалил Тошматовро аёдат намуд. Абдуҷалил Тошматов солҳои зиёд дар соҳаи тандурустӣ кору фаъолият намуда, барои таъмини солимии ҷомеа заҳмат кашидааст.
Раҷаббой Аҳмадзода аснои суҳбат бо собиқдори соҳаи тандурустӣ таъкид кард, ки саҳми чунин шахсони фидоӣ дар рушду пешрафти соҳаҳои мухталиф назарас мебошад. Имрӯз аз таҷрибаи собиқадорони меҳнат кормандони ҷавон истифода намуда, ба дастовардҳои назаррас ноил мегарданд.
Абдуҷалил Тошматов аз ташрифи роҳбари вилоят изҳори хушнудӣ намуда, барои ободоии диёр, пойдории сулҳу субот ва рушдуи шукуфоии Тоҷикистони азиз дасти дуо бардошт.
Манбаъ: Хадамоти матбуоти Раиси вилояти Суғд
Нет комментариев