Ғалабаи бонувони футболбози тоҷик бар дастаи Сингапур

0
1 692 просмотров

Дар шаҳри Ҳисор марҳилаи аввали интихобии мусобиқаи футболи бонувон ба Бозиҳои олимпии Токио-2020 дар гурӯҳи «А» ба анҷом расид. Дар  ин мусобиқа  дастаи мунтахаби бонувони Тоҷикистон аз дастаҳои мунтахаби Муғулистон ва Сингапур пеш гузашта, дар гурӯҳ ҷои сеюмро ишғол кард.

Тавре аз  Федератсияи футболи  Тоҷикистон  ба мухбири АМИТ «Ховар» хабар доданд,  дар даври ниҳоӣ футболбоздухтарони тоҷик ба дарвозаи  дастаи мунтахаби  Сингапур 6 голи беҷавоб заданд. Дар ҳайати дастаи  мунтахаби Тоҷикистон Гулсунбӣ Ҳалимова 5 гол зад. Як голи дигарро Мадина Фозилова ба нишон расонид. Ин ғалабаи дуюми дастаи  мунтахаби бонувони Тоҷикистон дар ин мусобиқа аст. Қаблан дар даври аввал шогирдони Сулаймон Бобокалонов бар дастаи мунтахаби  Муғулистон  бо ҳисоби 4:1  пирӯз шуда буданд.

Дар бозии дигари гурӯҳ  дастаи  мунтахаби Тайпейи Чин бар дастаи  мунтахаби  Филиппин бо ҳисоби 5:0 ғалаба карда, бо 12 хол ҷои аввалро ишғол намуд. Дастаи мунтахаби бонувони Филиппин 9 хол ба даст овард. Дастаи  мунтахаби Тоҷикистон бо 6 хол дар зинаи сеюм қарор гирифт. Дастаҳои  мунтахаби  Муғулистон ва Сингапур бо якхолӣ дар мавқеи чоруму панҷум ҷой гирифтанд.

Ба марҳилаи дуюми интихобии мусобиқаи футболи бонувон ба Бозиҳои олимпии Токио-2020 аз гурӯҳи «А» дастаҳои  мунтахаби Тайпейи Чин ва Филиппин роҳхат гирифтанд. Барои ба марҳилаи дигар баромадан ба дастаи мунтахаби бонувони  Тоҷикистон як хол нарасид.

Дар баробари дастаҳои мунтахаби Тайпейи Чин ва Филиппин ба марҳилаи дуюми интихобӣ, ки дастҳои мунтахаби Ӯзбекистон ва Ветнам ворид буданд, ҳамчунин дастаҳои мунтахаби  Эрон, Гонгкок (аз гурӯҳи «В»), Мянма, Ҳиндустон (аз гурӯҳи «С»), Урдун, Фаластин (аз гурӯҳи «D») роҳхат гирифтанд. Ду дастаи беҳтарини ҷои сеюми гурӯҳҳо Непал (гурӯҳи «С») ва Фаластин (гурӯҳи «D») ҳисобида шуданд.

Ёдовар мешавем, ки марҳилаи дуюми интихобии мусобиқаи футбол ба Бозиҳои олимпии соли 2020 бо иштироки 12 даста дар се гурӯҳ аз 1 то 9 апрели соли оянда баргузор мешавад.

Манбаъ: АМИТ «Ховар»

Нет комментариев

Также рекомендуем

В Италии снижен пенсионный возраст

Президент Италии Серджо Маттарелла подписал закон, который вводит в стране новые правила выхода на пенсию. «Реформа позволит гражданам Италии выходить на пенсию в 62 года при наличии 38 лет трудового стажа. Сейчас большинство ...

Сообщить об опечатке

Текст, который будет отправлен нашим редакторам: