Бино ба маълумоти хабарнигории http://www.tojnews.tj/ дар Тоҷикистон “лимит”-и нерӯи барқ ба сокинон лағв шуд.
Дар ширкати “Барқи тоҷик” мегӯянд, ҳавои зимистони имсола барои нисбат ба соли гузашта пештар лағв кардани “лимит” мусоидат кард. Захираи оби обамбори Норак низ дар сатҳи зараруӣ қарор дорад, аз ин сабаб “лимит”-и нерӯи барқ лағв шуд. Соли гузашта дар Тоҷикистон “лимит”-ро 27-уми феврал бардошта буданд.
Дар моҳи гузашта Усмоналӣ Усмонзода, вазири энергетика ва захираҳои оби Тоҷикистон гуфта буд, ки дар моҳи феврал “лимит”-и нерӯи барқ коҳиш дода мешавад.
Соли равон маҳдудияти интиқол барқ ба аҳолӣ расман аз 19-уми октябр ҷорӣ шуд. Масъулини “Барқи тоҷик” он вақт гуфта буданд, ин тасмим дар пайи сард шудани ҳаво ва кам шудани резиши оби дарёи Вахш гирифта шудааст.
Ширкати “Барқи тоҷик” ҳар сол мегӯяд, ки лимити барқ ба хотири ҳифзи оби обанбори Норак гирифта мешавад, ки дар фасли сармо аз кам шудани сатҳи оби дарёи Вахш ба камбуди об дучор мешавад. Ҳудуди 80%-и Тоҷикистонро нерӯгоҳи Норак бо нерӯи барқ таъмин мекунад.
Дар ин робита муҳаррирони медиапортали «Тироз» аз хадамоти шабакаҳои барқии шаҳри Хуҷанд асоснокии ин хабарро пурсон шуданд. Бино ба гуфти сармуҳандиси шабакаҳои барқии шаҳри Хуҷанд, Комилчон Очилов — дар асоси машварати селектории «Барқи тоҷик» аз санаи 23 феврали 2016 сол ва натиҷаи маълумотҳои ҷамъовардаи мутахассисони соҳа аз ҳамин санаи маҳдудият аз байн бардошта шуд.
Нет комментариев