Кормандони Озмоишгоҳи технологияҳои аниматсионӣ дар донишгоҳи Окланди Зелландия нав дар асоси ҳуҷайраҳои асаб дар симои як духтараки хурд идроки сунъиро ихтироъ карданд. Лоиҳа Baby X ном дошта, феълан дар марҳилаи сеюми коркард аст.

Baby X-намунаи сунъии тасвирии духтарак мебошад, ки рафтораш ба инсони воқеӣ монанд буда, аммо он танҳо як аксест, ки дар монитори компютер “зиндагӣ” мекунад.

Ҳангоми рӯшан кардани компютер дар назди мо симои хурдакаки духтарак пайдо мешавад, ки қобилияти хурсандӣ кардан, гиристан, таваҷҷуҳ зоҳир кардан ба ашёи нави хона ва нишон додани дигар ҳиссиёти инсонӣ, пайдо мешавад.

Ин “кӯдак” атрофиёнро тариқи камераи компютер мебинад ва ҳамчунин, тариқи баландгӯяк одамонро мешунавад. Гуфтан мумкин аст, ки Baby X ба мисли дигар кӯдакони сину солаш рафтор дорад ва танҳо он чизеро мепурсад, ки хоси солаш аст.

“Кӯдак” ҳангоми дарс ба он чизе ки ба ӯ шавқовар менамояд, механдад ва баъзан вақт “гапнодарост”. Муаллифони ин тарҳ мегӯянд, ихтироъи мазкур аз дигар коркардҳои муосир бо идроки сунъӣ, ба куллӣ фарқ дорад.

Baby X-аз аввалин лоиҳаҳоест, ки дар озмоишгоҳи Зелландия нав санҷида мешавад. Тадқиқотчиён доимо тасвири симои онро такмил медиҳанд.

Дар навори зерин Шумо имкон доред бубинед, ки Baby X чист ва ӯ чӣ гуна дарс мехонад:

Манбаъ: matrix-tv.tj