Чойҳои пакетӣ, ки истифодаашон ниҳоят қулай аст, ба организми мо зарар дорад. Тавре дар натиҷаи тадқиқот маълум гардид, бо нўшидани чойҳои пакетӣ дар организм фтор ҷамъ мешудааст. Олимон 10 навъи чойҳои дар пакетикбударо мавриди омўзиш қарор дода, муайян намуданд, ки дар бархеи онҳо меъёри фтор то 2,5 маротиба зиёд аст. Миқдори зиёди фтор дар организм ба сахтшавии бофтаи устухонҳо, пайдошавии дард дар буғум ва устухонҳо, пайвасташавии сутунмўҳраҳо ва пайдо шудани устухонҳои зиёдатӣ оварда мерасонад. Ногуфта намонад, ки фтор натанҳо дар таркиби чойҳои пакетӣ, балки дар таркиби чойҳои баргакӣ низ мавҷуд аст, бинобар ин мутахассисон дар як рўз аз 4-5 пиёла зиёдтар нўшидани чойро тавсия намедиҳанд. Шунавандагони азиз, ба маълумоти Шумо расонида мешавад, ки чойи сифатнок бояд тару тоза бошад. Ҳангоми харидорӣ кардан ҳатман ба мӯҳлати нигоҳдошт ва микдори фтори таркиб он аҳамият диҳед.
Нет комментариев