Раиси вилояти Суғд Раҷаббой Аҳмадзода ба ду нафар сокинони эҳтиёҷманд, ки солҳо инҷониб аз надоштани ҷойи зист ранҷ мекашиданд, хонаҳои истиқоматӣ эҳдо намуд.
Тақдими хонаҳо ба Каримова Инобат ва Самибоев Ҷамшед бо мақсади таъмини иҷрои дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии қишри ниёзманди ҷомеа сурат гирифт.
Раҷаббой Аҳмадзода калиди хонаҳоро аз номи Пешвои миллат муҳтарам Эмомалӣ Раҳмон ба сокинон супорида, иброз дошт, ки давлат ва Ҳукумат барои дастгирии ашхоси ниёзманд мунтазам тадбирҳои заруриро амалӣ менамояд.
Хонаҳои истиқоматӣ аз биноҳои баландошёнаи шаҳри Хуҷанд буда, дорои тамоми шароити лозимӣ аст.
Каримова Инобат ва Самибоев Ҷамшед барои чунин таваҷҷуҳ ва ғамхориҳои доимӣ дар ҳаққи ашхоси эҳтиёҷманд ба Пешвои миллат мухтарам Эмомалӣ Раҳмон ва рохбарияти вилоят миннатдории самимии худро баён доштанд.
Манбаъ: Хадамоти матбуоти
Раиси вилояти Суғд
Нет комментариев