Дар соли 2020 беш аз 2 миллиард сомонӣ нафақа ва кумакпулиҳо пардохт карда шуд

0
660 просмотров

Ҳаҷми пардохтҳои нафақа ва кумакпулиҳо дар Тоҷикистон аз аввали соли 2020 беш аз 2 миллиард сомониро ташкил дод, хабар медиҳад “Sputnik” бо истинод ба Агентии омори назди Президенти Тоҷикистон.

Ин нишондиҳанда баробар ба 184,6 миллион доллари ИМА аст.

Тибқи иттилои Вазорати молия, дар буҷаи давлат барои суғуртаи иҷтимоӣ ва ҳифзи иҷтимоӣ аз ибтидо зиёда аз 3,9 миллиард сомонӣ ҷудо карда шудааст. Ин рақам нисбат ба соли гузашта 233,7 миллион ё худ 6,4% зиёдтар аст.

Тибқи иттилои расмӣ, аввали моҳи ноябри соли 2020 дар Тоҷикистон беш аз 723 ҳазор нафақахӯр сабти ном шудаанд.

Ёдовар мешавем, ки нафақа ва кумакпулиҳои иҷтимоӣ аз 1 сентябри соли 2020 зиёд карда шуданд. Ин иқдом барои дастгирии нафақахӯрон дар давраи пандемия қабул карда шуда, ба таври алоҳида аз бақайдгирии ҳармоҳа амалӣ карда шуд.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: