Дар Суғд бо сардори Раёсати гумруки минтақаи Урали Федератсияи Русия мулоқот доир шуд

0
305 просмотров

Дар шашмоҳаи якуми соли равон гардиши молу маҳсулот байни вилояти Суғд ва минтақаҳои Русия 275 миллион долларро ташкил дода, ба вилояти Суғд чӯбу тахта, равған, нафту маҳсулоти нафтӣ ворид шудааст. Аз вилояти Суғд меваю сабзавоти тару тоза, хушкмеваҳо, нӯшокиҳо, полезиҳо, чормағз, чарм, пахта содирот гардидааст. Дар ин хусус зимни мулоқоти

роҳбарияти  вилояти Суғд бо сардори Раёсати гумруки минтақаи Урали Федератсияи иттилоъ дода шуд.

Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, дар мулоқот ҷонибҳо аз сатҳи кунунии муносибатҳои дӯстона ва иқтисодии ду мамлакат, ки натиҷаи сиёсати пешгирифтаи​ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин аст, изҳори қаноатмандӣ намуданд.

Таъкид шуд, ки соли 2022 ва дар шашмоҳаи якуми соли 223 байни вилояти Суғд ва минтақаҳои гуногуни Русия беш аз 100 ёддошт ва шартномаҳои ҳамкорӣ имзо гардида, ҷонибҳо дар асоси ҳуҷҷатҳо ҳамкории хуб ба роҳ мондаанд.

Иштироки васеи намояндагони Федератсияи Русия дар Намоишгоҳи байналмилалии «Суғд-2023» ва иштироки намояндагони вилояти Суғд дар​ Намоишгоҳи 13-уми байналмилалии саноатии «ИННОПРОМ-2023» ба тақвияти ҳамкории дуҷонибаи соҳибкорони тоҷику рус мусоидат намуда, барои тақвияти равобити иқтисодӣ корҳо идома доранд.

Сардори Раёсати гумруки минтақаи Урали Федератсияи Русия баён дошт, ки сиёсати пешгирифтаи сарони давлатҳои Тоҷикистон ва Русия имкон медиҳад, ки ​ соҳибкорону сармоягузорони ду давлат ҳамчун шарикони стратегӣ муносибатҳои худро боз ҳам густариш диҳанд.

Манбаъ: БМТ

Нет комментариев

Также рекомендуем

Сообщить об опечатке

Текст, который будет отправлен нашим редакторам: