Дастаи «Истиқлол» бори шашум соҳиби Суперҷом шуд

0
2 826 просмотров

Қаҳрамони чоркаратаи футболи Тоҷикистон — дастаи «Истиқлол»-и Душанбе санаи 3-юми апрел дар Варзишгоҳи «Металлург”-и шаҳри Турсунзода дар вохӯрӣ барои дарёфти Суперҷоми футболи Тоҷикистон бар дорандаи медалҳои нуқраи чемпионати мавсими соли гузашта — дастаи «Хуҷанд»-и Хуҷанд бо ҳисоби 3 бар 2 ғолиб омада, ба Суперҷоми футболи кишвар соҳиб шуд.

Бино ба иттилои Федератсияи футболи Тоҷикистон, қисми аввали бозӣ бо ҳисоби 2 бар 1 ба нафъи душабегиҳо ва қисми дуюми вохӯрӣ мусовӣ — 1 бар 1 анҷом ёфта, футболбози дастаи «Истиқлол» Александр Каблаш, легионери украинӣ бозигари беҳтарини вохӯрӣ дониста шуда, дар ин бозӣ ду тӯбро ба ҳадаф расонид.

Пас аз анҷоми вохӯрӣ медалҳои нуқраи Суперҷом ба дастаи «Хуҷанд» ва медалҳои тилло ба дастаи «Истиқлол” тақдим шуда, Хуршед Файзуллозода, ноиби аввали президенти ФФТ Суперҷоми Тоҷикистонро ба капитани «Истиқлол» Нуриддин Давронов супурд.

Қобили зикр аст, ки ин пирӯзии шашуми «Истиқлол» дар вохӯриҳо барои дарёфти Суперҷоми футболи мамлакат мебошад. Қаблан даста солҳои 2000, 2001, 2002, 2004 ва 2005 ба ин комёбӣ ноил гардида буд.

Манбаъ: http://www.news.tj/tj/news/

Нет комментариев

Также рекомендуем

Дар Суғд таҳкими ҳамкорӣ бо ширкати «Азия групп компани»-и Русия баррасӣ шуд

Дар вилояти Суғд масъалаи таҳкими ҳамкорӣ байни Корхонаи воҳиди давлатии «Фулузоти нодири Тоҷикистон» ва​ ширкати «Азия групп компани» мавриди баррасӣ қарор гирифт. Дар ин хусус АМИТ «Ховар» бо истинод ...

Сообщить об опечатке

Текст, который будет отправлен нашим редакторам: