Гурӯҳи ҳозирҷавобони тоҷик дар даври чаҳорякниҳоии КВН-и Маскав бо либосҳои хос, ки бо гулдузӣ оро дода шудааст, ба саҳна баромада, бо пирӯзӣ ба даври ниманиҳоӣ роҳхат гирифтанд. Дастаи ҳозирҷавобони Тоҷикистон моҳи декабри соли 2016 дар мусобиқаи Осиёи Марказӣ, «Алаа-то», ки дар шаҳри Бишкек баргузор шуд, ширкат карда, соҳиби ҷои аввал гардиданд. Ёдовар мешавем, ки гурӯҳи КВН Тоҷикистон мавсими нави худро бо аъзои ҷадид дар Маскав оғоз карданд. Онҳо дар ҷашнвораи лиги шаҳру вилояти Маскав ширкат карда, пирӯз шуданд ва ба даври баъдӣ роҳ ёфтанд. Дастаи КВН Тоҷикистон аз Умед Абдуллоев, Мирзохуршед Ҳасанов, Шероз Камолов, Ҷамшед Исмоил, Александра Смирнова, Амал Ҳофизова ва Мубориз Усмонов ташкил шудааст. Ба қавли роҳбари даста Хайрулло Мирсаидов, эҳтимол аст ҳайъати даста то даври дигари бозӣ тағйир ёбад. Мақсади асосӣ — «Шабакаи аввали Русия» Се сол мешавад, ки мунтахаби КВН Тоҷикистон талош дорад, дар сабқатҳои байналмилалӣ пирӯз шавад ва дар шабакаи аввали телевизиони Русия ҳунарнамоӣ кунад.
Манбаъ: http://sputnik-tj.com/
Нет комментариев