Дубли Коутинийо ва хет-трики Талиска дар бозии “Ал-Дуҳайл” ва “Ал-Наср”

0
367 просмотров

Бозии даври чаҳоруми Лигаи Қаҳрамонҳои Осиё дар гурӯҳи “Е” миёни дастаҳои “Ал-Дуҳайл”-и Қатар ва “Ал-Наср”-и Арабистони Саудӣ ба анҷом расид. Вохӯрии дастаҳо дар варзишгоҳи “Абдулло бин Халифа”-и шаҳри Доҳа баргузор гардида, бо ҳисоби 2 бар 3 ба фоидаи дастаи шаҳри Риёз ба поён расид.

Ситораи асосии тими “Ал-Наср” – Криштиану Роналду дар ин вохӯрӣ ба майдон набаромад ва ӯро сармураббӣ истироҳат дод. Бозигарии бразилии дастаи “Ал-Дуҳайл” – Флиппе Коутинийо нахуст шуда, ҳисоби бозиро боз кард ва аввалин голашро дар Лигаи Қаҳрамонҳои Осиё ба самар расонид. Андерсон Талиска аз ҳайати “Ал-Наср” берун аз ҷаримагоҳ бо як зарбаи дарвозакӯб дар дақиқаи 27-ум ҳисобро баробар намуд.

Бо газаро шудани 10 дақиқа Талиска голи дуюмашро боз берун аз ҷаримагоҳ ба самар расонида, ҳисобро 2 бар 1 кард. Дар дақиқаи 65-уми бозӣ Абдулраҳмон Ғариб ирсоли дуюми головарашро ба Андерсон Талиска ирсол кард ва бозигари бразилӣ голи сеюмашро ба самар расонида, ҳисобро 1 бар 3 кард.

Дар дақиқаи 79-уми бозӣ Марсело Брозович дар дохили ҷаримагоҳ бо даст тӯбро бозӣ кард ва довари ӯзбек ба дарвозаи “Ал-Наср” зарбаи 11 метра таъйин намуд. Флиппе Коутинийо зарбаи пеналтиро бе хато иҷро кард ва ҳисобро 2 бар 3 намуд. Ин голи охирин дар ин бозӣ буд.

Дар дақиқаи 90+2 ниммуҳофизатгари дастаи “Ал-Дуҳайл” – Халид Муҳаммад пас аз бархӯрди ҷанҷолӣ бо Отавио корти сурх гирифта, бозидар шуд.

Пас аз ин ғалаба “Ал-Наср” бо 12 имтиёз пешгоми гурӯҳ аст ва аллакай роҳхати даври плей-оффро соҳиб шудааст. Ҳоло дар ҷадвали гурӯҳи “Е” дастаи “Ал-Наср”-и Арабистони Саудӣ бо 12 имтиёз дар мақоми аввал аст. “Персеполис” бо 7 имтиёз дар зинаи дуюм қарор дорад. “Истиқлол” бо ду имтиёз дар зинаи сеюм ва “Ал-Дуҳайл” бо як имтиёз дар зинаи чаҳорум аст.

Ёдовар мешавем, ки дастаҳо маротибаи 8-ум дар таърихи хеш миёни ҳам бозӣ карданд. Дар ин вохӯриҳо “Ал-Наср” 4 маротиба ғалаба карда, 2 мусовӣ ва 2 бохт бар муқобили “Ал-Дуҳайл” дорад.

Манбаъ: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: