Фломастер яке аз воситаҳои зарурӣ барои расмкашӣ аниқтараш барои зеб бахшидан, зинда тасвир кардан мебошад. Аз ин лавозимоти хониш на танҳо хонандагон, балки ҳамаи онҳое, ки ба расмкашӣ шуғл доранд, истифода мебаранд. Аммо бештар ба фламастер кӯдакони синни то мактабӣ ва хонандагони синфҳои ибтидоӣ муроҷиат мекунанд. Дар робита ба ҳамин ба волидони эшон гуфтанием, ки фломастер низ барои кӯдакон зарар дорад, махсусан ҳамон фломастерҳои, ки сарпӯши алоҳида доранд, чунки қисмои онро аз ҳам ҷудо кардан осон аст. Сарпӯши фломастер бояд ҳатман ба худи фломастер пайваст бошад. Чунки кӯдак метавонад сарпӯши фломастерро аз ҳам ҷудо карда ба даҳон занад ва маззаи рангро бичашад.
Сарпӯши фламастерро бодиққат аз назар гузаронед, бинед, ки дар он сурохие ҳаст ё не. Агар дар сарпӯши фламастер сӯрохӣ вуҷуд надошта бошад, фломастерро коршоям шуморидан мумкин нест. Ҳамчунин тавассути ин сӯрохӣ набояд дар як дақиқа аз 8 литр камтар ҳаво ба дохили он ворид шавад. Агар ногаҳон ин гуна сарпӯши фламастер дар роҳи нафаси бача қарор гирад, эҳтимоли руст кардани роҳи нафас камтар аст.
Бояд маводе, ки аз вай рӯйпӯши фломастер тайёр карда шудааст, ба истилоҳ корпуси фламастер бехавф бошад. Аз ӯҳдаи ин вазифа полипропилен аз ҳама беҳтар баромада метавонад. Зеро шикастани вай мушкил аст. Ҳангоми шикастанаш бошад дар вай нӯгҳои тез пайдо намешавад ва ин боиси ҳимояи фарзанд аз буридани ягон узваш мегардад.
Хуб мешуд агар дар дохили корпус асосӣ спирт неву маводи дар об ҳалшаванда ҷой дода шуда бошад. Чун анъана истеҳсолкунандагони чунин навъи фломастер дар он нишонаи «Сиёҳӣ дар маҳлули об» ё «Черныла на водной основе» ва ё «water based»-ро мегузорад.
Бо зоҳиру ботинии фломастер ва хусусиятҳои он шинос шудем. Биёед ба расмкашӣ шурӯъ мекунем. Агар ҳангоми расм кашидан меҳвари фломастер мулоим бошад ва ба даруни корпус дарояд ин аз он шаҳодат медихад, ки чунин фломастер ба шумо дар муддати кӯтоҳ хизмат карда метавонаду халос. Ба Шумо маслиҳат дода мешавад, ки аз харидорӣ намудани чунин фломастерҳо даст кашед. Агар меҳвари фломастер мустаҳкам ҷойгир шуда бошад Шумо метавонед бо чунин фломастерҳо ба расмкашӣ машғул шавед ва тасвирҳои зебо эҷод кунед.
Нет комментариев