Хонандагони тоҷик ғолиби OPEN INTERNATIONAL ASTRONOMIA (OWAO 2023) гардиданд

0
267 просмотров

Хонандагони тоҷик дар «Олимпиадаи кушоди ҷаҳонии астрономия» Open International Astronomia (OWAO 2023) дар байни 14 давлати дунё иштирок намуда, ғолиб гардиданд. Дар ин хусус ба АМИТ «Ховар» дар Маркази ҷумҳуриявии дарёфт ва рушди истеъдодҳои Вазорати маориф ва илми Ҷумҳурии Тоҷикистон хабар доданд.

«Олимпиадаи кушоди ҷаҳонии астрономия» 14-22 ноябр дар шаҳри Сочии Федератсияи Русия аз фанни астрономия баргузор гардида, намояндагони 14 давлатро муттаҳид намуд. Дар мусобиқаи зеҳнӣ 79 нафар аз Русия, Перу, Эрон, Беларус, Тоҷикистон, Узбекистон, Венесуэла ва ҳафт давлати дигар дар шакли ҳузурӣ ва фосилавӣ иштирок намуданд.

Олимпиада дар чор давр: даврҳои мушоҳидавӣ, амалӣ, назариявӣ ва экспресс — тур баргузор шуд. Аз Ҷумҳурии Тоҷикистон 3 нафар аз Литсей барои хонандагони болаёқати ноҳияи Сино иштирок намуда, сазовори 3 ҷойи ифтихорӣ: як ҷойи 2-юм, як ҷойи 3-юм ва як ҷойи ифтихорӣ гардиданд. Ин маротибаи аввал аст, ки хонандагони тоҷик дар олимпиадаи ҷаҳонӣ аз фанни астрономия Ҷумҳурии Тоҷикистонро муаррифӣ менамоянд.

Олимпиадаи Open International Astronomia (OWAO 2023) имрӯз анҷом ёфта, ғолибон бо медалҳо мукофотонида мешаванд ва имкони шиносоӣ бо иншооти инфрасохтори кайҳонии Федератсияи Русияро пайдо менамоянд.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: