Паҳлавонони тоҷик аз Чемпионати ҷаҳон оид ба гӯштини камарбандӣ, ки аз 16 то 19 ноябр дар шаҳри Гулистони Ҷумҳурии Узбекистон баргузор гардид, соҳиби 7 медал гардиданд. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Дар Чемпионати ҷаҳон оид ба гӯштини камарбандӣ Ҷумҳурии Тоҷикистонро варзишгарони ноҳияи Зафаробод муаррифӣ намуда, соҳиби 7 медал – 2 тилло, 1 нуқра, 4 биринҷӣ гардиданд. Дар чемпионат варзишгарон аз 13 давлат иштирок намуданд.
Асрор Бойкузиев дар вазни 84кг дар равияи классикӣ медали тилло, дар равияи тарзи озод медали биринҷӣ, Рӯзибой Сафаров дар вазни 96кг дар равияи классикӣ медали тилло, дар тарзи озод медали нуқра, Тоҷиддин Тӯйчиев дар ҳар ду равия ду медали биринҷӣ, Ҷамшед Сафаров дар вазни 72кг дар равияи тарзи озод медали биринҷӣ ба даст оварданд.
Манбаъ: АМИТ «Ховар»
Нет комментариев