Дар рақобати дуввуми гурӯҳи “С” мунтахабҳои Кореяи Ҷанубӣ ва Филиппин бо ҳам қувва озмуданд. Дидор дар майдони “Рашид Ал-Мактум” ҷараён гирифта, бо ҳисоби 1:0 бар нафъи кореягиҳо анҷом ёфт. Голи ягонаи дидорро Хван Ийҷо дар дақиқаи 67-уми бозӣ ба самар расонид. Ҳамин тариқ пас аз ин ғалаба кореягиҳо бо чиниҳо мавқеи якуму дуввуми гурӯҳро байни худ тақсим мекунанд.
Дар бозии аввали гурӯҳи “D –и Ҷоми Осиё–2019 мунтахаби Эрон тими миллии Яманро торумор кард. Бозӣ дар майдони “Муҳаммад бин Зайед” доир шуда, бо ҳисоби 5:0 ба суди “шоҳзодагони форс” хатм шуд. Алакай дар дақиқаи 12-уми дидор Меҳдӣ Торемӣ ҳисоби бозиро боз кард. Дар дақиқаи 23-юм Ашкан Дежага пешсафии дастаашро аз рақиб ба 2 гол баробар кард. Пас аз 2 дақиқа боз Меҳдӣ Торемӣ ба задани гол даст ёфт – дубл. 2 голи охири мунтахаби Эронро дар нимаи дуввуми бозӣ Сардор Озмун ва Саман Годдос ба самар расониданд.
Манбаъ: ТВ Варзиш
Нет комментариев