Ҷоизадорони Суғдии «Top-50» муайян шуданд!

0
1 456 просмотров

Дар ҳама давру замон, ҷомеаи пешрафта, солим ва муваффақ на як рӯз ва на як кас, балки он аз ҷониби ҳамаи мо сохта мешавад. Аз тарафи худи шаҳрвандони ин ҷомеа, бо фикрҳо, ғояҳо ва фаъолияту амали мо бунёд мегардад.

Дар толори меҳмонхонаи «Hyatt regency Dushanbe» VII-умин маросими ҷоизасупории солонаи «ТОП-50» баргузор гардид. Ҷоиза соли 2011 аз ҷониби радиои «Ватан» ташкил шуда, ғояи аслӣ ва консепсияи он аз ҷониби Директори генералии он Вера Кулакова-Браннеруд коркард шудааст.

Довталабони ҷоиза аз тамоми қишри аҳолӣ, касб ва ҷаҳонбинии мухталиф мебошанд. Бо шарофати ин одамон дар кишварамон дигаргуниҳои мусбат ба амал меоянд. Ҳар яке аз онҳо бо фаъолият, эҷод, мавқеи шаҳрвандӣ, намуди зоҳирӣ ва сабки худ, диёрамонро зебо, равшан ва шавқовар менамоянд!

Шартҳои асосии интихоб: саҳми инсон дар рушди ҷомеаи шаҳрвандӣ, саҳми ӯ дар ташкили усули худ дар ҳаёт, фарҳанг ва соҳаҳои мухталифи хоҷагии халқи кишварамон мебошанд.

Имсол довталабони ҷоиза бори нахуст аз вилояти Суғд низ иштирок карданд. Дар байни онҳо роҳбари Ҷамъияти дорои масъулияташ маҳдуди Ширкати телевизион, радио ва рекламавии «Тироз» Хуршед Ӯлмасов низ ҳастанд, ки вобаста ба ҳиссагузорӣ ба рушди ҷомеа, бо Ҷоизаи «Toп-50» сарфароз гардонида шуданд. Хуршед Азимҷонович ин ҷоизаро на танҳо маҳсули меҳнати худ, балки дастоварди кормандони эҷодӣ ва техникии Радиои «Тироз», ки наздик 18 сол инҷониб фаъолият менамояд, ҳамчунин дастоварди кулли шунавандагони азизу арҷманди радио меҳисобанд!

Инчунин аз вилояти Суғд Зебунисо Солиева – «Армон-Апарт hotel» ва Аъзам Акбаров – роҳбари ШТР «Азия», ба ин ҷоиза мушарраф шуданд.

Ҷоизаи «TОП-50» на фақат интихоби мушаххас ва муҳокимаҳои бисёрсоатаи аъзои Шӯрои коршиносон, балки намоиши беназир дар Маросими тантанавии ҷоизасупорӣ мебошад. Барои ҳамин ҳам, ҷоиза воқеан ҳодисаи асосии муосир ба ҳисоб меравад, ки онро бесаброна мунтазир мешаванд. Боз як навгонии имсола, ин интихоби ғолибон тариқи шабакаҳои иҷтимоӣ буд!


Муваффақиятҳои ин одамон дар дилҳоямон нисбат ба зиндагӣ гармӣ ва дастгириро ба миён меоварад ва ҳамаи моро ба сӯи дастоварду ихтироъҳои нави бузург ва зарурӣ барои рушди оянда ҳидоят менамоянд.
Бо рӯйхати пурраи ҷоизадорони ин чорабинии бонуфуз, Шумо метавонед дар суроғаи www.top50.tj шинос шавед.


Аз номи тамоми кормандон ва шунавандагони сершумори радио Хуршед Азимҷонович Ӯлмасовро бо Ҷоизаи «Toп-50» самимона муборакбод намуда, барои фаъолияти минбаъдаи кормандони Радиоҳои «Тироз» ва «Тирози Ҷавонӣ» пешравӣ, музаффарият ва комёбиҳои нав ба нави меҳнатиро таманно менамоем!
Ҷоизаи «TОП-50» муборак!

Медиапортали «Тироз»

Нет комментариев

Также рекомендуем

Сообщить об опечатке

Текст, который будет отправлен нашим редакторам: