Ифтитоҳи Маҷмааи фитнеси занонаи «5 ситора»

0
3 096 просмотров

Дар маҳаллаи 34-уми шаҳри Хуҷанд бахшида ба 30-солагии Истиқлолияти давлатии Ҷумҳурии Тоҷикистон Маҷмааи фитнеси занонаи «5 ситора» ба фаъолият оғоз намуд.

Дар маросими ифтитоҳи он Фирӯза Нуруллозода, муовини Раиси шаҳри Хуҷанд, фаъолони шаҳр ва аҳли маҳаллаи 34-уми шаҳр иштирок намуданд.

Тавре, ки иттилоъ дода шуд Маҷмааи фитнеси занонаи «5 ситора» бо иқдоми соҳибкори маҳаллӣ Шоира Очилова бунёд гардида, дар марказ 15 нафар бо ҷойи кори доимӣ ва маоши хуб таъмин шудаанд. Мавриди зикр аст, ки Маҷмаа ҳамарӯза аз соати 9:00 то 21:00 фаъолият карда, имкон дорад дар 12 соат, 200 нафар мизоҷ аз хизматрасонии сатҳи баланд дар он баҳравар гарданд.

Бунёди чунин Маҷмааҳои замонавии хизматрасонӣ ва муҳимтар аз ҳама таъсиси ҷойҳои нави корӣ аз ҷониби соҳибкоронро метавон дастгирии онҳо аз сиёсати роҳбарияти давлат номид, зеро ҳадафи Роҳбарияти олии мамлакат аз бунёди чунин иншооти маишӣ ва дигар коргоҳу корхонаҳо пеш аз ҳама таъсиси ҷойҳои нави корӣ ва бо ин роҳ беҳтар кардани сатҳи зиндагии мардум аст.

Зимни шиносоӣ дар ин маркази солимгардонӣ ва тавонбахшии ҳаёт маълум гардид, ки дар он имкониятҳои фарохи солимгардонӣ мавҷуд буда, аз ҷумла дар он беш аз 40 намуди гуногуни дастгоҳҳои варзишӣ насб гардидааст. Ғайр аз ин дар Маҷмаа қаҳвахона бо фарогирии нӯшокию хуришҳои солимгардонӣ ва парҳезӣ, ҳаммоми хурд бо усули муосири табобатӣ, ҳуҷраҳои масҳу ороишӣ бунёд гардидааст.

alt

Иншооти мазкур бо завқу салиқаи баланд барои мизоҷони соҳибзавқ бунёд ёфтааст, басо ҷолибу диданӣ ва дилкашу зебо ва ҳам дорои шароити беҳтарин барои шустушӯй, оббозӣ, масҳи бадан ва истироҳату фароғати тану ҷон аст.

Ҳангоми шиносоӣ бо шароити муосири хизматрасонӣ дар Маҷмааи фитнеси занонаи «5 ситора» Фирӯза Нуруллозода, муовини Раиси шаҳри Хуҷанд ба сифати кори бинокорон ва иқдоми соҳибкор баҳои баланд дода, изҳори бовар намуд, ки чунин иншоот дар шаҳр оянда бештар мешаванд, то ки дар онҳо ҳам шаҳрвандони Тоҷикистон ва ҳам меҳмонону сайёҳони хориҷӣ имкони истироҳату фароғати сатҳи баланд дошта бошанд.

Мавриди зикр аст, ки дар ҳақиқат дар як моҳи охир аз ҷониби соҳибкорон дар се гӯшаи шаҳр чунин Маҷмааҳои солимгардонию солимгардонию тавонбахшӣ бунёд гардидааст. Акнун сокинони шаҳри Хуҷанд метавонанд дур нарафта, дар ҳамин маркази замонавӣ бо нархҳои дастрас аз имкониятҳои он ба таври муфид истифода бурда, саломатии худро барқарор созанд ва нерую тавони тоза гиранд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Таджикский «Сон обезьяны» сахалинцы искупали в овациях

Сахалинский кинозритель высоко оценил конкурсный фильм молодого таджикского режиссёра Руми Шоазимова «Сон обезьяны». Мировая премьера киноленты прошла 14 сентября в Южно-Сахалинске в рамках международного фестиваля ...

Сообщить об опечатке

Текст, который будет отправлен нашим редакторам: