Истиқболи Соли нави мелодӣ дар Радиои «Тироз»

0
2 114 просмотров

Ба монанди дигар муассисаву ташкилот ва радиову телевизионҳо Ҷамъияти дорои масъулияти маҳдуди Ширкати телевизион, радио ва рекламавии «Тироз» фарорасии Соли нави мелодии 2019-умро бо иштирок ва дар ҳалқаи дӯстону шунавандагони азизу арҷманд истиқбол намуд.

Бо ибтикори роҳбарияти ширкат тамоми гуфтору барномаҳои Радиоҳои «Тироз» ва «Тирози Ҷавонӣ» ба таври пахши мустақим пешкаши шунавандагон гардиданд.

Дар барномаи идонаи мо, ки таҳти унвони «Радиомарафони солинавӣ» давоми рӯз – санаи 31-уми декабри соли 2018 аз соати 09:00 то нисфи шаб мустақиман тақдими сомеони гиромӣ гардонида шуд, меҳмонони зиёде иштирок ва сӯҳбаторои ҳайати эҷодии радио шуданд.

Бахусус, дар меҳмонии Барномаи солинавии «Тсеll-тайм» шунавандаи фаъол ва мухлиси асили барнома Мафтунахон Ҳомидова қарор дошта,

бо сӯҳбати ҷолибу саволҳои ба шунавандагон пешниҳодкардаашон ба барнома ҷилои тоза бахшиданд.

Дар Барномаи «Соли нав муборак!» дар доираи «Радиомарафони солинавӣ» ду нафар меҳмонон иштирок намуданд. Яке аз соҳаи маориф – ғолиби Озмуни вилоятии «Мураббияи сол — 2018» — Ҳанифахон Валиева

ва дигаре «Сарояндаи сол — 2018» — Шаҳзода Зайниддинова.

Меҳмони Барномаи солинавии «С новым годом!», ки бо забони русӣ идома ёфт, роҳбари Ширкати телевизион ва радиои «АЗИЯ» Аъзамхон Акбаров гардиданд.

Дар Барномаи идонаи «Соли ҳумоюнӣ!» дар доираи «Радиомарафони солинавӣ» ду нафар меҳмонон – яке «Омӯзгори сол – 2018» — устоди ДДҲБСТ, раиси Шӯрои олимони ҷавони донишгоҳ – Шӯҳратҷон Саидов

ва дигаре «Донишҷӯи сол — 2018» — толибилми курси 3-юми ДДҲБСТ —  Нозилахон Каримова иштирок ва бо ҳузуру посухҳои хеш барномаро зеб бахшиданд.

Барномаи «Соли бобарор!» низ меҳмонони хешро дошт. Яке сармутахассиси Ширкати «Тоҷикавиатур» дар вилояти Суғд Мунирахон Амонова

ва дигаре «Ҳунарманди сол – 2018» — Шаҳодатхон Орифова (чун Соли 2018 – Соли рушди сайёҳӣ ва ҳунарҳои мардумӣ эълон гардида буд, ҳамзамон дар Паёми нави Пешвои миллат солҳои 2019-2021 – Солҳои рушди деҳот, сайёҳӣ ва ҳунарҳои мардумӣ эълон гардиданд).

Дар Барномаи идонаи «Соли пурсамар!» дар доираи «Радиомарафони солинавӣ» аз соҳаи варзиш – варзишгари ҷавону умедбахш Ҷонибек Қодиров иштирок ва ба саволҳои шунавандагон посух дод.

Ҳамин тавр, дар «Радиомарафони солинавӣ», ки мустақиман то нисфи шаб пешниҳоди шунавандагони Радиоҳои «Тироз» ва «Тирози Ҷавонӣ» гардид, меҳмонони зиёде иштирок намуданд. Барои хотирмону шавқовар гузаштани он бо иштироки худи шунавандагони радио викторинаи солинавӣ гузаронида, ғолибон бо тӯҳфаҳои идона сарфароз гардонида шуданд.

Дар интиҳо бори дигар тамоми шунавандагону алоқамандони Радиоҳои «Тироз», «Тирози Ҷавонӣ» ва хонандагони Медиапортали «Тироз»-ро бо фарорасии Соли нави мелодии 2019-ум самимона табрик намуда, барои ҳамагон саодатмандиву сиҳатмандии комил ва хонаободиву некномиро таманно дорем.

Соли нави 2019-ум мубораку хуҷаста бод!

Бо эҳтиром Медиапортали «Тироз»     

 

Нет комментариев

Также рекомендуем

90% людей разогревают еду в микроволновке неправильно. А ты знаешь, как надо?

Есть одна тонкость, которая поможет тебе равномерно разогреть в микроволновке всю еду на тарелке. Микроволновая печь — альфа и омега, краеугольный камень жизни любого офисного работника. Да и дома ...

Сообщить об опечатке

Текст, который будет отправлен нашим редакторам: