Фоидаи пулиро аз арзиши олатҳое, ки имрӯз харкерон истифода мебаранд, экспертони «Лабораторияи Касперский» муқоиса намуданд. Маълум шуд, ки даромади пулӣ аз ҳамлаи хакерӣ метавонад аз пули сарф мешуда барои ташкили ҳамла 20 маротиба зиёд бошад. Даромад зиёд шуда истодааст. Экспертон қайд мекунанд, ки даромади пулии хакерон сол аз сол меафзояд, вале ин ҳолро дар шакли дақиқ шарҳ намедиҳанд. Маълумотхои асосии охирон маротиба аз нашр баромада ба соли 2011-ум рост меоянд. Он вақт ҳаҷми киберҷинояти бозори ҷаҳонӣ то ба 12,5 млрд доллари ИМА расида буд, ки дар муқоиса бо соли 2010-ум 5,5 млрд зиёд шуда буд. Хакерони муосир гоҳ-гохе барномаи таъминотии шахсии худро месозанд, зеро онҳо аз таъминоти барномавии тайёри дигарон истифода бурданро авлотар мешуморанд. Рамзи зараррасони таъминоти барномавӣ ё олати тайёрро дар форуми махсус харидорӣ намуда, баъд онро пурра мукаммал гардонидан мумкин аст. Даромади пулии ҳатто аз дастгоҳи оддитарин истифодашаванда калон мебошад. Таъсис додани саҳифаи қалбакӣ дар шабакаҳои иҷтимоӣ ва ташкил намудани спам-паёмҳо бо ёдоварӣ аз онҳо тақрибан 150 доллар арзиш дорад. Агар кариб 100 нафар ба доми ин саҳифаҳои калбакӣ афтода, ба бадхоҳон дар бораи худ маълумотҳои асоссиро фиристонанд, аз фурӯши ин маълумотҳои махфӣ хакерон на камтар аз 10 000 доллар фоида мебинанд. Троянҳо дар фурӯш ҳам арзонанд. Даромади асосии хакерон ин истифода бурдан аз барномаҳои троянӣ мебошад. Аз ҳама мисоли оддӣ ин маҳдудкунандагони экранҳо мебошанд, ки компютерҳо ё смартфонҳои персоналиро сироят мекунанд. Рамз барои троян тақрибан 1000 доллар арзиш дорад. Маблағгузорӣ барои маҳдудсозӣ ба ҳисоби миёна 100-200 доллари ИМА-ро ташкил мекунад. Аз ин рӯ сироятёбии 10-20 нафар истифодабаранда аз ин саҳифаҳои қалбакӣ кофӣ аст, ки маблағи ба ин кор сарф намудаи қаллобон ба даст ояд ва боқимондаи пул аллакай барои хакерон даромади тоза мешавад. Ба рамзофарандагони троянӣ ин амал даромадҳои аналогӣ меорад, вале арзиши ин омили зараррасони таъминоти барномавӣ аз 2000 доллар зиёд мебошад. Аз ҳама роҳи қулай ин истифода бурдани барномаҳои троянии бонкӣ мебошанд, ки дастрасии хакеронро ба ҳисобҳои пулии истифодабарандагон таъмин менамояд. Бо 300 доллар рамзро харидорӣ кардан мумкин аст. Баъдан кофист, ки бо сохтани эксплойти оддӣ спам-пайёмҳоро ташкил намоед. Даромади пулии «иқдом» ба ҳисоби миёна 70 000 долларро ташкил медиҳад.
Рамазон Раҳимзода: «Мушкилоти муҳоҷирони меҳнатӣ ба Президенти Ҷумҳурии Тоҷикистон Эмомалӣ Раҳмон расонида мешаванд»
Вазири корҳои дохилии Ҷумҳурии Тоҷикистон Рамазон Раҳимзода бо супориши Пешвои миллат муҳтарам Эмомалӣ Раҳмон дар шаҳри Сочи бо роҳбарони ҷамъиятҳои тоҷикон дар Федератсияи Россия вохӯрӣ ...
Нет комментариев