Ҳамлагари тими “ПСЖ” ва мунтахаби Фаронса — Килиан Мбаппе ба туфайли хет-трик дар бозии даври интихобии Евро-2024 муқобили Гибралтар (14:0) голи 300-умашро дар корномаи футболбозиаш ба самар расонид.
Мбаппеи дар синни 24-солагӣ чунин оморро дар ҳисоб дорад. Лионел Месси, Криштиану Роналду ва Неймар пас аз расидан ба синни 25-солагӣ ба задани 300 гол дар корномаи футболбозиашон ноил шуда буданд. Дар ин бора Opta Sport хабар додааст.
Килиан инчунин голи 46-уми худро дар ҳайати тими миллӣ зад ва дар рӯйхати голзанҳои ин даста ба ҷои сеюм баромад. Ӯ аз Антуан Гризманн (44 гол ) пеш гузашт.
Ҳоло Оливйе Жиру бо 54 гол ки дар ин бозӣ низ гол зад, беҳтарин нишонзани мунтахаби Фаронса боқӣ мемонад.
Ояндаи Мбаппе ҳоло норӯшан боқӣ мемонад. Шартномаи капитани тими миллии Фаронса бо “ПСЖ” то охири мавсими ҷорӣ баста шуда, то ҳол тамдид нашудааст. Айни замон «Реал Мадрид» фавориди харидории ин футболбози 24-солаи фаронсавӣ маҳсуб мешавад, аммо «Бавария» имкони чунин интиқолро истисно намекунад.
Манбаъ: Варзиш-ТВ
Нет комментариев