Дар рӯзи дуюми мусобиқоти байналмилалии ҷудо барои дарёфти Ҷоми Президенти Ҷумҳурии Тоҷикистон давталабони зиёд аз кишварҳои Тоҷикистону Ӯзбекистон ҳунар озмуданд. Баъд аз рақобатҳои шаддид ба даври ниҳоии вазни то 66 кг паҳлавони шинохтаи кишвар Ёқубҷон Боқиев ва намояндаи Ҷумҳурии Ӯзбекистон Азамат Мадяқубов роҳхат гирифтанд. Дар ин нерусанҷӣ варзишгари тоҷик Ёқубҷон Боқиев аз ҳарифи ӯзбекистонии хеш шикаст хурда, мақоми дуюмро ишғол намуд. Азамат Мадяқубов паҳлавони 23 сола соҳиби медали тиллои вазни 66 килои мусобиқаи Ҷоми Президенти Тоҷикистон дар соли 2019 гардид. Зинаҳои сеюми вазни мазкурро Раҳматулло Сатторов ва Орифҷон Додов ба даст оварданд. Ҳамчунин дар рӯзи дуюми мусобиқаи мазкур рақобатҳо дар вазни 73 кг низ сурат гирифтанд. Барои ишғоли мақоми сеюм паҳлавони Тоҷикистон Каримзода Наврӯз бо Шоҳрӯз Бердиев аз Ӯзбекистон ба рӯи татамӣ баромад. Дар натиҷа намояндаи Ӯзбекистон пирӯз гардида, мақоми сеюмро ба даст овард. Нишони бирниҷии дуюми вазни 73кг-ро Мирзоҷамил Рамазонов моли худ кард. Дар даври ниҳоии вазни мазкур варзишгари кишвар Раҳматулло Фарҳодов бар ҳамтои ӯзбекаш Олтибоев Комронбек дастболо гардида, соҳиби нишони тилло гардид.
Ҷоми Президенти Тоҷикистон 2019 оид ба ҷудо.
Рӯзи дуюм
-66кг
1. Азамат Матяқубов (Ӯзбекистон)
2. Суҳроб Боқиев (Тоҷикистон)
3. Сатторов Раҳматулло (Тоҷикистон)
3. Додов Ориф (Точикистон)
-73кг
1. Фарҳодов Раҳматулло (Тоҷикистон)
2. Нумонов. О (Ӯзбекистон)
3. Рамазонов Мирзоҷамил (Тоҷикистон)
3. Бердиев Шоҳрӯз (Ӯзбекистон)
манбаъ: Варзиш ТВ
Нет комментариев