Паҳлавони собиқадори тоҷик медали тилло ба даст овард

0
500 просмотров

Олимхон Алихонов, паҳлавони собиқадори тоҷик, дар мусобиқоти қаҳрамонии самбо миёни устодон, ки дар шаҳри Уралски Қазоқистон 8-уми сентябр оғоз ёфт ва имрӯз, 10-уми сентябр, ба поён расид, медали тилло ба даст овард.

Мусобиқот бо иштироки 340 варзишгари 35-сола ва аз он боло дар риштаи самбои варзишӣ миёни мардон ва занон баргузор шудааст. Паҳлавонон мувофиқи синашон ба гурӯҳҳо тақсим шудаанд.
Дар рӯзи аввали мусобиқот иштироккунандагон аз рӯи 20 дараҷаи вазнҳо рақобат карданд.
Олимхон Алихонов дар мусобиқаи мардон дар вазни 64 кило байни устодони синашон аз 65-сола боло ғолиб шуда, ба унвони қаҳрамонӣ ва медали тилло даст ёфт. Ӯ дар финал ба Владимир Қизилбош аз дастаи FIAS (Федератсияи байнулмилалии самбо) ғолиб омад. Қизилбош медали нуқра гирифт. Дар ин вазн дар гурӯҳи М7 ду паҳлавони қазоқ — Серикбой Кабакбоев ва Алмаз Mусобеков — бо медалҳои биринҷӣ мукофотонида шуданд.
Ёдовар мешавем, ки Тоҷикистонро дар ин мусобиқот шаш варзишгар дар рақобатҳои самбои варзишӣ миёни мардон Олимхон Алихонов, Иззатулло Юнусов, Саттор Сайфиддинов, Замонҷон Умаров, Муҳаммадшариф Зикруллоев ва Саймурод Одинаев намояндагӣ карданд.
Манбаъ: ИА «Варзиш»

Нет комментариев

Также рекомендуем

Сообщить об опечатке

Текст, который будет отправлен нашим редакторам: