3-юми август маросими қуръакашии мусобиқаи Hungary Masters 2023 дар шаҳри Будапешт баргузор шуд.
Тибқи иттилои сомонаи расмии Федератсияи байналмилалии ҷудо (IJF) барои ширкат дар ин мусобиқа 420 варзишгар (217 мард ва 203 зан) аз 59 давлат номнавис шудаанд. Тибқи низомнома ба ин мусобиқаи байналмилалӣ варзишгароне даъват шудаанд, ки дар радабандии ҷаҳонии ҷудо дар 38-гона мавқеъ доранд. Тоҷикистонро дар мусобиқаи мазкур Эмомалии Нуралӣ (⁃ 66 кг), Обид Ҷебов (-66 кг), Беҳрӯз Хоҷазода (-73 кг), Короншоҳи Устопириён (-90 кг) ва Темур Раҳимов (+100 кг) намояндагӣ мекунанд.
Hungary Masters-2023 дар доираи мусобиқоти сайри ҷаҳонии ҷудо баргузор мешавад. Ғолибону ҷоизадорони мусобиқот бо ҷоизапулии арзишманд қадрдонӣ мегарданд. Маблағи умумии ҷоизаҳои молӣ 200 ҳазор евроро ташкил медиҳад.
Дар рақобатҳои инфиродӣ ба ғолибон дар хамаи 14 вазн 6000 евро, ба барандагони медали нукра 4000 евро ва ба барандагони медали биринҷӣ 2000 евро тақдим мешавад.
Мусобиқаи Hungary Masters 2023 пагоҳ , 4-уми август бо қувваозмоиҳо дар вазнҳои -60кг, -66кг миёни мардон, -48кг, -52кг, -57кг миёни бонувон оғоз мегардад. 5-уми август мардҳо дар вазнҳои -73кг, -81кг, бонувон дар вазнҳои -63кг, -70кг, 6-уми август мардҳо дар вазнҳои -90кг, -100кг, +100кг, бонувон дар вазнҳои -78кг, +78кг сабқат мекунанд.
Дар рӯзи якуми мусобиқа 2 ҷудокори кишвари мо дар вазни то 66 кг Эмомалии Нуралӣ ва Обид Ҷебов гӯштин мегиранд. Рӯзи дуюм дар вазни -73 Беҳрӯз Хоҷазода ва дар рӯзи охир Комроншоҳи Устопириён (-90 кг) бо ҳамроҳии Темур Раҳимов (+100 кг) барои ба даст овардани ҷойҳои ифтихорӣ талош мекунанд.
Ёдовар мешавем, ки ҷудокори тоҷик Сомон Маҳмадбеков (-81кг) бo далели мушкили раводид натавонист ба Маҷористон сафар кунад ва дар мусобиқаи Hungary Masters 2023 иштирок карда наметавонад.
Рақиби ҷудокорони тоҷик дар Hungary Masters 2023 :
Вазни -66 кг:
Эмомалии Нуралӣ – Важа Маргвелашвили (Гурҷистон)
Обид Ҷебов – Буба Дайкии (Фаронса)
Вазни -73 кг:
Беҳрӯз Хоҷазода – Мануел Ломбардо (Италия)
Вазни – 90 кг:
Комроншоҳи Устопириён – Ван т Энд Ноел (Нидерланд)
Вазни + 100 кг
Темур Раҳимов – Ҷамол Ғамзатхонов (Озарбойҷон) / Ҷелле Сниппе (Нидерланд)
Манбаъ: Варзиш-ТВ
Нет комментариев