Ҳамлагари дастаи «Ал-Наср»-и шаҳри Риёз — Криштиану Роналду мехоҳад,  Арабистони Саудиро тарк карда, ба  шаҳри Мадрид баргардад. Дар ин бора  El Nacional хабар медиҳад.

Ба гуфтаи ин манбаъ, Роналду дар мутобиқ шудан ба кишвар ва фарҳанги нави Арабистони Саудӣ мушкили дорад.  Инчунин, монеаи забонӣ ба португалӣ халал мерасонад. Роналду мехоҳад, ки ба Мадрид баргардад, ки дар он ҷо 9 сол дар дастаи “Реал Мадрид”  бозӣ карда буд.

Ҳамлагари португалӣ қабл аз гузаштан ба “Ал-Наср” ба “Атлетико Мадрид” наздик буд ,ки гузариш анҷом бидиҳад, лек тарафдорони дастаи шаҳри Мадрид  ба имзои эҳтимолии Роналду мухолифат карданд.

Президенти бошгоҳи шоҳонаи “Реал Мадрид” —  Флорентино Перес омода аст ба Роналду пешниҳод кунад, ки ба даста  ба ҳайси сафир баргардад ва ё ба португалӣ мавқеи пешбарии варзишии дастаро пешниҳод кунад.