УЕФА дар сомонаи расмии худ исми 4 футболбозе, ки барои дарёфти унвони беҳтарин бозингари ҳафтаи Лигаи чемпионҳо муддаӣ мебошанд, нашр кард. Инҳо ҳамлавари “Ювентус” Криштиану Роналду, ҳамлавари “Барселона” Лионел Месси, ҳамлавари “Ливерпул” Садио Мане ва нимҳимоятгари “Манчестер Сити” Лерой Сане мебошанд. Роналду дар бозӣ бо “Атлетико” муаллифи хет–трик шуда, дастаашро аз нокомӣ дар Лигаи чемпионҳо наҷот дод. Лионел Месси бошад аввалин бор дар корномааш дар як бозӣ муаллифи 2 гол ва 2 партофти самаранок гардид, ки ин ҳам дар рақобати зидди “Лион” буд. Мане дар вохӯрӣ бо “Бавария” дар меҳмонӣ ба задани 2 гол даст ёфта, “Ливерпул”–ро бо роҳхати даври навбатӣ таъмин кард. Сане бошад, дар дидор бо “Шалке” муаллифи як гол гардида, 3 партофти головар анҷом дод.
Манбаъ: ТВ Варзиш
Нет комментариев