3 октябр Машварати омӯзишии адибони ҷумҳурӣ дар сексияҳои назм, нақди адабӣ, асарҳо барои бачагон ва наврасон, насру публитсистика идома ёфт.
Муҳокимаи таълифоти адибони ҷавон дар бахши назм ва нақди адабӣ дар факултаи филологияи тоҷики Донишгоҳи давлатии Хуҷанд баргузор шуд. Аз ҷониби устодон Низом Қосим, Фарзона, Аскар Ҳаким, Гулназар, Камол Насрулло, Матлуба Хоҷаева, Замира Ғаффорӣ, Аҳмадҷон Раҳматзод, Нурмуҳаммад Ниёзӣ, Суруш ашъори шоирони ҷавон Фирдавси Аъзам, Бобаки Суғдӣ, Эҳсон Раҷабӣ, Насимбек Қурбонзода, Муҳриддин Сабурӣ, Шоҳбегим, Шоира Олимӣ ва дигарон баҳои баланд гирифтанд.
Аз ҷониби устодон ҳамчунин барои эҷоди шеърҳои беҳтарин маслиҳат ва тавсияҳо ироа гардид.
Машварати омӯзишии адибони ҷумҳурӣ имрӯз низ идома меёбад.
Ҷоиз ба зикр аст, ки бегоҳии рӯзи гузашта иштирокчиёни курс-конфронси адибони ҷавони ҷумҳурӣ зимни сайру гашт аз Маҷмааи таърихиву фарҳангии Қалъаи Хуҷанд боздид намуда, оромгоҳи Камоли Хуҷандиро зиёрат намуданд.
Манбаъ: Хадамоти матбуоти Раиси вилояти Суғд
Нет комментариев