СУТ: ба Тоҷикистон 14 дастгоҳи бехатар маҳвкунандаи партовҳои тиббӣ тақдим кард

0
966 просмотров

Санам 1-уми апрел Созмони ҷаҳонии тандурустӣ ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 14 адад инсинераторҳоро тақдим намуд, хабар медиҳад АМИТ «Ховар» бо истинод ба маркази матбуоти вазорати мазкур.

Дастгоҳҳои мазкур дар доираи Лоиҳаи Алянси глобалии ваксинаҳо ва иммунизатсия (АГВИ) оид ба «Устувор намудани системаи глобалии тандурустӣ дар Ҷумҳурии Тоҷикистон» харидорӣ карда шуданд.

Зимни тақдими ин дастгоҳҳо таъкид гардид, ки партовҳои тиббӣ ба кормандони соҳаи тиб, беморон ва муҳити атроф зарари зиёд мерасонанд, аз ин лиҳоз бехатар ҷамъоварӣ намудан, интиқол додан ва маҳв кардани партовҳои тиббӣ яке аз самтҳои афзалитяноки соҳаи тандурустӣ ба ҳисоб меравад.

Дастгоҳҳои мазкур шароити мусоидро барои муттамарказ ва несту нобуд сохтани партовҳои тиббӣ фароҳам оварда, мувофиқи фармоиши Вазири тандурустӣ ва ҳифзи иҷтимоии аҳолӣ ба шаҳру ноҳияҳо дастрас ва васл карда мешаванд.

Манбаъ: АМИТ «Ховар»

Если вы нашли ошибку, пожалуйста, выделите фрагмент текста и нажмите Ctrl+Enter.

Нет комментариев

Также рекомендуем

Сообщить об опечатке

Текст, который будет отправлен нашим редакторам: