Сармураббии дастаи «Манчестер Юнайтед» — Эрик тен Ҳаг ба нашрияи MEN ишора кард, ки нофаҳмиҳои ӯ бо ҳамлагар Криштиану Роналду дар гузашта будааст. Ҳоло муносибати онҳо хело хуб аст.
«Барои оғоз, агар шумо хоҳед, ки дар бораи эҳсосоти ӯ сӯҳбат кунед, шумо бояд ба ӯ савол диҳед, на аз ман. Криштиану бозигари касбии ҳақиқӣ аст ва бо даста кор мекунаду дорои хислатҳои роҳбарӣ ҳам мебошад.
Роналду як ҷузъи муҳими даста ва таҳдид ба ҳама гуна хати дифоъ аст. Вай қодир аст, ки ҳама гуна имкониятҳои барояш фароҳамгардидаро дар хати ҳамла ба нафъи даста истифода намояд.»
Ёдовар мешавем, Роналду дар ду бозии охирини «Манчестер Юнайтед» иштирок карда, дар Лигаи Аврупо гол задааст.
Ҳамчунин. ҳамлагар тасмим гирифтааст, ки соли оянда ба Португалия баргардад.
Шоми имрӯз дар доираи бозиҳои охири марҳилаи гурӯҳии Лигаи Аврупо дастаи «Манчестер Юнайтед» дар сафар муқобили «Реал Сосйедад» бозӣ мекунад. Шабакаи «Варзиш» бозии мазкурро ба таври мустақим намоиш медиҳад. Шореҳи бозӣ Бобо Холмуродзода аст.
Манбаъ: Варзиш-ТВ
Нет комментариев