Зарфҳои хӯрокхӯрие, ки пас аз истифодабарӣ шустан лозим нест

0
2 115 просмотров

Зарфҳои хӯрокхӯрии худшусташаванда, ки бо технологияи шведӣ офарида шудааст, пас аз истифодабарӣ ба худ нигоҳубини махсусро талаб намекунанд. Ин зарфҳо ба хӯрок ва хусусияти часпандагӣ доштани он устувор буда, барои сарфа намудани вақт ва маводи шӯянда мусоидат менамоянд.

Олимони шведӣ, ки дар студияи «Мошинаҳои оянда» кор мекунанд, якҷоя бо ширкати Inventia зарфҳои хӯрокхӯриро коркард намуданд, ки ба ифлосшавӣ муқобилияти устувор доранд. Дорандагони чунин зарфҳои хӯрокхӯриро лозим аст, ки пас аз истифодабарӣ зарфҳоро танҳо чайқонанду халос.

Асоси маводе, ки аз он зарфҳои хӯрокхӯрӣ тайёр карда шудаанд, аз селлюлоза таркиб ёфтааст. Ҳангоми алоҳаи ломисавӣ бо сатҳи берунаи зарфҳо чунин эҳсосе пайдо мешавад, ки гӯё Шумо керамикаро дар даст доред.

Технологияи тайёр кардани ин гуна зарфҳои хӯрокхӯрӣ оддӣ мебошад. Ба селлюлоза дар пресс-форма тарҳи зарурии зарфҳои хӯрокхӯрии табақ, тағорача, косаву пиёла дода мешаванд. Баъдан, сатҳи онҳоро зери ҳарорати баланди гармӣ дар двуокиси карбон бо маҳлули мумӣ мепӯшонанд. Пас аз хушк шудан, зарфҳо ранг карда мешаванд.

Мувофиқ ақидаи олимон, ин усули технологияи тайёр кардани зарфҳо, ки сарфу хароҷотро дар истеҳсолот ва ҳангоми истифодабарии зарфҳо   ихтисор карда метавонад, маҳсулоти аз ҷиҳати экологӣ нисбатан тоза маҳсуб меёфтааст. Барои шустани ин гуна зарфҳо миқдори нисбатан ками об ва маводи шӯянда лозим будаасту халос.

Нет комментариев

Также рекомендуем

Қурби расмии асъор барои имрӯз 29.03.2019

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.4387 сомонӣ; 1 евро – ...

Сообщить об опечатке

Текст, который будет отправлен нашим редакторам: