Ҳар ҳунарманде, ки ба шогирдон ҳунарҳои мардумӣ меомӯзонад ва шогирдонаш соҳиби шаҳодатномаи касбии мақомоти шуғли аҳолии вилоят мегарданд, бо мукофотпулии яквақта қадрдонӣ карда мешавад. Дар ин бора қарори Раиси вилояти Суғд аз 21 августи соли 2017, №399 ба тасвиб расид. Тадбири мазкур бо мақсади эҳё намудани ҳунарҳои мардумӣ, ба шуғл ва касбомӯзӣ фаро гирифтани занону духтарон, ба ҷойи корӣ таъмин намудани онҳо ва арҷгузорӣ ба меҳнати ҳунармандон амалӣ мешавад. Ба ҳунармандон барои тайёр намудани 200 нафар шогирд 50 ҳазор сомонӣ, барои тайёр намудани 150 нафар шогирд 30 ҳазор сомонӣ, барои тайёр намудани 100 нафар шогирд 20 ҳазор сомонӣ, барои тайёр намудани 50 нафар шогирд 10 ҳазор сомонӣ мукофотпулӣ дода мешавад.
Манбаиъ: сомонаи расмии МИҲД-и вилояти Суғд
Нет комментариев