Асал – давои сад касал

0
1 272 просмотров

Барои давогӣ неъмати беҳтарин ин асал аст, ки тамъи ширину гуворо дошта, хушбӯй, рангаш сурхтоб ва вазнаш сабук бошад.

Агар асал сахт гардад, ин маънои кӯҳнаву корношоям гаштани онро надорад, зеро асал аз рӯи намуди худ метавонад дер ё зуд сахт шавад.

Таркиби асал ниҳоят нозук буда, он дар ҳарорати 60 дараҷа С хусусиятҳои давогии худро гум мекунад. Бинобар ин табибон гармкунии дурударози асалро тавсия намедиҳанд.

Агар субҳгоҳон ба дили наҳор ним соат пеш аз хӯрокхӯрӣ ним ё як чумча асалро истеъмол намоед, он кафолати солимии тамоми узвҳои шуморо дар давоми рӯз медиҳад, мегӯяд табиби амрикоӣ Хардвич Ҷеймс.

Воқеан асал мувофиқи нигоштаҳои сарчашмаҳои тибби қадим баданро аз моддаҳои зарарнок пок карда, гиреҳҳо ва бастагиҳои даҳони рагҳоро мекушояд.

Яке аз хусусиятҳои нодири ин неъмати табиат он аст, ки рутубат ва балғами часпаки узвҳоро, ки дар ҷисм манбаи пайдоиши бемориҳои ангезандаанд, аз ҷойҳои дури бадан кашида, барои хориҷшавӣ омода месозад.

Ҳакими бузург Чолинус дар ахбороти тиббии худ овардааст: «Ҳеҷ чиз беҳтар аз асал нест, дар нафъ аз бадан ва илоҷӣ аксари бемориҳову сириштани давоҳо».

Дар ҳақиқат асалро қариб дар тамоми доруҳо ҳамроҳ карда бо ин васила хусусиятҳои давогии онҳоро дучанд мегардонад.

Масалан барои бемориҳои сусткамарӣ ва захми рӯдаҳо омехтаи асалро бо оби борон беҳтарин даво мешуморанд. Ё барои бемориҳои даҳону милки дандон омехтаи асалу сирко, яъне сиркоасал муфид буда, онро барои сафеду ҷилонок сохтани дандонҳо низ истифода бурдан мумкин аст.

Дар соҳаи косметология низ аз асал васеъ истифода мебаранд, ки чунин таркиби асалиро дар шароити хона ҳам омодаву дастрас кардан мумкин аст.

Масалан барои дур кардани доғи рӯи занон, ки баъди таваллуд пайдо шудааст, омехтаи асалу тухми турб тавсия дода мешавад. Омехтаи мазкур доғи кунҷитакро бартараф месозад. Барои пешгирии ожангҳои бармаҳал пайдошудаи пӯст бошад, омехтаи асал, шибити майда резашуда ва сафедии тухм муфид аст.

Ҳангоми сулфа ва варами гулӯ шарбати турб бо асал тавсия дода мешвад. Бемории зукомро бошад, омехатаи ширу асал безарар мегардонад.

Аз асал истифода бареду ҳеҷ гоҳ касал нашавед!

Шодмон Ашӯров

Нет комментариев

Также рекомендуем