Чӣ тавр худро аз гармо эмин дорем ва гармозада нашавем?

0
730 просмотров

Бино ба маълумоти Агентии обуҳавошиносии Тоҷикистон дар кишварамон баланд шудани ҳарорати ҳаво то ба санаи 10-уми июл пешгӯӣ шудааст.

Мо-тоҷикистониён ба гармӣ одат кардаем, вале ба назар мерасад, ки дар кӯча ҳарорат нисбат ба солҳои қаблӣ баландтар аст, ҳароратсанҷҳо гармиро аз 42 дараҷа боло нишон медиҳанд. Дар ин рӯзҳо ҳар яки мо суол мегузорем, ки чӣ тавр аз гармо ва оқибатҳои ногувори он наҷот ёбем?

Картинки по запросу харорати хаво гарм

Бино ба маълумоти мутахассисони соҳаи тиб, дар фасли тобистон ҳаво хушк шуда, шиддатноктар ва боиси ташнагии шадид мегардад. Барои раҳо ёфтан аз шуои офтоб, одамон кӯшиш мекунанд барои шино ва роҳат кардан дар оби хунук ба сӯи ҳавзҳо, кӯлҳо ва дарёҳо шитобанд. Имрӯзҳо иншооти нави муосири зиёде баҳри фароғати одамон бунёд шудаанд, ки сокинон бо аҳли оилаи худ дар гулгашҳо зери сояи дарахтон ва назди фаввораҳо истироҳат мекунанд. Бо ташаббуси Мақомоти иҷроияи ҳокимияти давлатии шаҳри Душанбе дар назди биноҳои истиқоматӣ майдончаҳои варзишӣ ва ҳавзҳои шиноварӣ бунёд шуда истодаанд, ки боиси хушҳолии кӯдаконанд. Вале, волидон фаромӯш насозанд, ки бояд кӯдаконро мунтазам назорат кард. Мутаассифона, ҳолатҳои нохуше ҳангоми шиноварии хурдсолон мушоҳида мегардад.

Картинки по запросу кишоварзон

Фасли тобистон барои одамоне, ки дар зери гармои тамуз кор мекунанд, бахусус деҳқонон, сохтмончиён, нонпазон, хизматчиёни хоҷагии коммуналӣ, ронандагон ва одамони касбу кори гуногун душвортар аст.

Дар бораи чӣ гуна паси сар намудани гармӣ як зумра тавсияҳои мутахассисони соҳаи тибро ҷамъ намудем, ки дар поён оварда шудаанд:

— барои гармиро ба осонӣ гузаронидан ташнагиро дуруст бояд шикаст. Ба шахсони калонсол дар ҳарорати зиёда аз 30 дараҷа гармӣ зарур аст, ки ҳар рӯз на камтар аз се литр об истеъмол намоянд. Ин меъёри ҳадди ақал буда, ба организм имкон медиҳад, ки талафоти моеъ ва моддаҳои минералиро барқарор кунанд;

— барои шикастани ташнагӣ дар гармӣ шарбати на он қадар ширини табиӣ айни муддаост. Дар гармӣ нӯшидани чойи кабуди гарм (бе шакар) бисёр муфид аст. Он ҳам ташнагиро мешиканаду ҳам ба саломатӣ фоидаи калон дорад. Ҳамчунин нӯшидани обҳои минералӣ, нӯшобаҳои на он қадар ширин ва квас тавсия дода мешавад;

Картинки по запросу помидор, бодиринг

— истеъмоли меваву сабзавоти дорои фоизи муайяни об (помидор, бодиринг, тарбуз) ба захира намудани об дар организм кӯмак мерасонад. Бо истифодаи онҳо дар ғизо Шумо на танҳо ташнагиро мешиканед, балки ҳамчунин захираҳои организмро бо минералҳо ва витаминҳо таъмин месозед;

Похожее изображение

— дар ҳавои гарм аз нӯшидани қаҳва ва дигар нӯшокиҳои дорои кофеин, машруботи спиртӣ, нӯшокиҳои ташнашикан (ба монанди фанта, кола, пепси, спрайт ва ғ.) беҳтар аст, ки худдорӣ намоед. Онҳо ба ҷуз зарар чизи дигаре ба саломатӣ намеоранд: кофеин, спирт ва шакар беобшавии организмро метезонанд, фишорро баланд мекунанд ва ба рагҳо сарбории зиёдатиро фароҳам меоранд;

Картинки по запросу зеленый борщ

— дар гармои тамуз аз истеъмоли хӯрокҳои шӯр, тунд ва миҷозашон гарм худдорӣ намоед. Ба ҷойи шӯрбои равғанӣ метавонед дар ин фасл аз хӯрокҳои сабук, ба мисли «зеленый борщ», лаблабушӯрбо, окрошка ва ғайраҳо истифода намуд. Бештар сабзавоту меваҷот истеъмол намоед;

— ҳангоми гармои тамуз интихоби дурусти либос аҳамияти муҳим дорад. Он бояд кушод, озод ва аз ҳама муҳим, шинаму гуворо бошад. Ба либосҳои ранги равшан, ки аз маҳсулоти пахтагӣ омода шудаанд, афзалият дода шавад.

Манбаъ: АМИТ «Ховар»

Нет комментариев

Также рекомендуем