Кормандони Раёсати муҳити зист ва хоҷагии ҷангали вилояти Суғд ҷиҳати ҳифзи ҳайвоноту паррандагон дар фасли зимистон корҳои биотехникӣ анҷом доданд.
Тавре ба хабарнигори ОИ «СН» аз Раёсати ҳифзи муҳити зисти вилояти Суғд иттилоъ доданд, аз ҷониби кормандони Раёсати ҳифзи муҳити зисти вилояти Суғд бо мақса ди пешгирии марги ҳайвоноту паррандаҳои шикорӣ дар фасли зимистон ва ҳифзи онҳо дар доманакӯҳҳо корҳои биотехникӣ гузаронида шуданд.
Корҳои биологӣ дар ноҳияи Деваштич дар ҳудуди мавзеи Шировут сурат гирифта, дар он ҷо кормандон 200 кг картошка, 200 кг ҷав, 50 кг намак ва 20 дона пресси алафи дурушт пошида шуданд. Дар минтақаи Даҳанасой бо иштироки ҷонишини Раёсати муҳити зисти вилояти Сугд 350 килограмм картошка, 300 килограмм ҷав, 200 килограмм шалғам, 60 кг намак ва 25 адад банди хошоки дурушт ба домонакӯҳ пошида шуд.
Дар ҳудуди хоҷагии ҷангали ба номи Ғаниҷон Мусоев тибқи маълумоти мутахассисони хоҷагии ҷангал ҳайвоноту паррандагон аз қабили кабутар, хуки дарранда, гург, харгӯш, рӯбоҳ, хирс, бузи кӯҳӣ, кабк ва дигар ҳайвоноти зинда ба қайд гирифта шудаанд.
Ҳамчунин, тибқи иттилои Раёсати ҳифзи муҳити зист, дар минтақаи Шаҳристон корҳои биологӣ дар ҳудуди Дараи Сабз гузаронида шуда, аз ҷониби кормандон 100 кило гандум, 50 кило ҷав, 300 кг. картошка, 150 кг. сабзӣ, 100 кг. лаблабу, 100 кг. себ, 20 кг. намак ва 40 дона пресс барои хӯрдани ҳайвоноти ваҳшӣ пошида шуд.
Аз рӯйи маводи “Sugdnews.com”
Нет комментариев