iPhone-ро ба шабакаи барқ шаб пайваст мондан лозим ё чихел смартфонро қувват додан лозим аст?

1
160 просмотров

Имрўзҳо смартфон чун ҷузъи ҷудонашавандаи ҳаёти мо маҳсуб мешавад. Мо чунон онро бисёр истифода мебарем, ки аккумуляторҳои таҷҳизотҳои мобилиро ҳаррўз, гоҳо зуд-зуд қувват додан лозим мешавад. Аз он ки мо смартфонҳоро танҳо шаб истифода намекунем, маҳз  шабона смартфонҳоро қувват додан лозим мешавад. Аммо, гаҷетро шабона ба шабакаи барқ дар ҳолати пайваст гузоштан мумкин аст? Охир истеҳсолкунандагон таъкид мекунанд, ки аз ҳад зиёд қувват додан батареяро аз кор мебарорад.

Дар ин мавзўъ бисёр назарияҳо ва пешниҳодҳои нобовар мавҷуданд. Агар шумо андак бо интернет кор кунед, даҳҳо фикру андешаҳоро дар ин бора пайдо карда метавонед. Аммо, чӣ тавр маслиҳати дурустро пайдо кардан мумкин аст?

Журналистони нашрияи DigitalTrends бо асосгузори Farbe Technik –ширкати истеҳсолкунандаи таҷҳизотҳои қувватдиҳанда Шейн Броуски мулоқот карданд.

Смарфтонро шабона ба шабакаи барқ пайваст гузоштан мумкин аст? 

-Телефонро шабона ба шабакаи барқ пайваст гузоштан мумкин аст, он чандон ба таҷҳизоти шумо зарар намерасонад,- гуфт Броуски,- телефони шумо хеле доно аст. Чун вай пурра қувват мегирад, дигар воридшавии қувваро манъ мекунад, то ки аз меъёр зиёд қувват нагирад.

Аммо, ба инобат гирифтан лозим аст, ки ба таври доимӣ шабона қувват додан андаке мўҳлати истифодаи аккумуляторро кам мекунад.

-Батареяҳои литӣ-ионӣ ҳарорати аз ҳад гармро намеписанданд, онро корношоям месозанд,- гуфт Шейн,- агар смартфон дар ҷилд бошад, баромадани гармиро нагузошта, ҳарорати батареяро афзун месозад. Дар ниҳоят ба зарар дидани батарея ва кам гардидани ҳаҷму корношоям шудани он оварда мерасонад. 

Аниқтараш смартфонро шабона барои қувват гирифтан гузошта, барои пешгирии корношоямшавии аккумулятор ҷилди онро гирифта мондан зарур аст.

Усули оптималии қувват додани смартфон кадом аст?

-Бисёр хуб аст, агар батареяҳои литӣ-ионӣ то 30-80% қувва доштанашон нигоҳдорӣ шаванд. Ба шарофати ин ионҳои қувва гирифта, корашонро идома дода, батареяро ҳифз карда метавонанд,- мегўяд Шейн,- Таҷҳизотро давоми рўз бо андаке камӣ қувват дода, шумо метавонед, ин ионҳоро бо ҳаҷми кофии қувва таъмин созед, то ки онҳо корро идома дода тавонанд.

Ҳамин тариқ, зуд-зуд қувва додан барои акумуляторҳои смартфон фоидаовар аст. Ин чандон қулай нест, лекин ба таври оптималӣ аст. Агар шумо хоҳед, ки  смартфон ба муддати дароз ба шумо хизмат кунад.

Аз чӣ эҳтиёт шудан лозим аст?

Тавре Броуски мегўяд, таҳдиди асосӣ ба батарея сиклҳои қувватгирӣ аст. Аниқтараш, вақте батарея пурра ё то сатҳи нулӣ-100% қувват мегирад.

Теъдоди сикли максималии муайян басо зиёд буданаш мумкин аст. Аммо, дар ниҳояти он батарея ҳамоно кам кор хоҳад кард. Дар ҷамъбаст аккумулятор умуман таҷҳизотро ба кор андохта наметавонад.

Барои бо ин гуна ҳодиса дучор наомадан аз пурра бе қувват мондани батарея эҳтиёт шудан лозим аст.

Акссесуарҳои сифтанокро истифода баред

Ба тамоми омилҳои дар боло зикршуда нигоҳ накарда, дар ин масъала муҳимтар аз ҳама сифати таҷҳизоти қувватдиҳанда аст. Беҳтар аз ҳама аз акссесуарҳои якҷоя бо смартфонҳо дастрасшаванда истифода бурдан лозим аст. Агар истифодаи онҳо имконнопазир бошад, меарзад,ки  таҷҳизот қувватдиҳандаи хуб ё кабелро харидорӣ кунед.

Ин гуна акссесуарҳо одатан қиматанд. Барои он ки таҷҳизоти қувватдиҳандаи мувофиқро дастрас намоед, андаке вақтро барои мутолиаи хулосаҳо дар бораи истеҳсолкунандагон сарф кардан лозим мешавад. Дар баробари ин беҳтар мебуд, агар шумо намудҳои маълуми таҷҳизотро ба монанди Belkin, Griffin ва ғайра интихоб мекардед.

Хусусиятҳои таҷҳизотҳои қувватдиҳанда ва кабел низ аз омилҳои муҳим маҳсуб мешаванд. Барои инро фаҳмиадн бояд нишондиҳандаи ампер ва ватти акссесуару смартфонро муқоиса кард.

Аз намудҳои арзон истифода набаред, ки онҳоро аксар вақт бе риояи стандартҳои муайян истеҳсол мекунанд. Қувватдиҳии бесифат аккумуляторро зуд корхўрда ва таҷҳизотро аз кор мебарорад.

Инак, натиҷаҳоро ҷамъбаст мекунем. Смартфонро тамоми шаб ба шабакаи барқ пайваст гузошта шумо чандон ба батарея зарар намеоваред. Аммо қоидаҳои зеринро фаромўш насозед:

  • Ҳама вақт таҷҳизотҳо ва кабелҳои асил ва ё дигар таҷҳизотҳои қувватдиҳандаи дорои сертификат ва тамғаҳову ритейлерҳои аз ҷиҳати хубиашон муаррифишударо истифода баред.
  • Нагуозерд, ки смартфон аз ҳад зиёд гарм шавад. Пеш аз он ки смартфонро ба ҷараёни барқ шабона пайваст кунед, ҷилдашро кушода гиред.
  • Хоҳед, ки батарея ба муддати дароз кор кунад, қувваи он аз 30 то 80% буданаш лозим аст.
  • Аз пурра бе қувват мондани аккумулятор эҳтиёт шавед. Ҳеҷ гоҳ аз 0% то 100% зуд-зуд қувват надиҳед.

Сарчашма: matrix-tv.tj

1 comment

Опубликовать новый комментарий

Также рекомендуем