Migrant — Mobile

0
123 просмотров

Шурӯъ аз моҳи октябри соли равон ҶДММ ШТРР «Тироз» бо ташкилоти ҷамъиятии “Чашмаи ҳаёт” лоиҳаи маърифатӣ-иттилоотии “Мигрант – Мobile”-ро дар доираи лоиҳаи “Тақвияти устуворӣ ба радикализатсия ва дезинформатсия дар Осиёи Марказӣ” бо маблағгузории Иттиҳоди Аврупо таҳия менамояд.
Ҳадафи лоиҳа фароҳам овардани имкониятҳои иловагӣ барои дастрасии фаврӣ ба манбаи иттилоотӣ ва ҳалли мушкилоти мубрами муҳоҷирон, хусусан дар давраи бӯҳрони Covid-19 равона шудааст.

Барои ин портали ягонаи иттилоотию маърифатии «Migrant — Mobile» ташкил гардида, сомонаи махсус бо замимаи интерактивии мобилӣ омода карда мешавад. Дар доираи лоиҳаи мазкур ҳамчунин таҳияи барномаҳои телевизионӣ дар назар аст. Ҳамчунин, гузоришҳои радиоӣ ва подкаст дар шаш мавзӯи муҳим ва мубрам таҳия мегарданд. Ба ин васила пешбинӣ мегардад, ки таваҷҷӯҳи тамоми сохторҳои давлатие, ки дар ин самт кор мекунанд, ҳамчунин иттиҳодияҳои ҷамъиятӣ, фаъолони шаҳрвандӣ, мақомот ҳукумати маҳаллӣ ва ВАО-ро ба масъалаҳои ҳалталаби муҳоҷирон ва оилаҳои онҳо бештар мегарданд.


Инак подкастҳои лоиҳаи Migrant — Mobile:

Подкасти -1: Мавзӯи аввалини барнома ва подкасти мо «Сабабҳо ва омилҳои пайдоиши муҳоҷирати меҳнатии аҳолӣ” мебошад, ки доир ба муҳоҷирати меҳнатӣ, омилҳои он ва манфиати муҳоҷирати меҳнатӣ нақл мекунад. Аслан бояд қайд кард, ки муҳоҷирати меҳнатӣ яке аз сарчашмаҳои ҳавасмандгардонии равандҳои иҷтимоӣ-иқтисодӣ ҳам барои давлатҳои қабулкунанда ва ҳам барои давлатҳои содиркунандаи қувваи корӣ мебошад. Муҳоҷирати аҳолӣ ба тағйироти миқдорӣ ва сифатии пайдоиш ва ҷорӣ намудани дастовардҳои нави илмӣ-техникӣ, навоварӣ, истеҳсолоти нав, воситаҳои нави иртибот ва тағйироти геополитикии хусусияти иҷтимоидошта, дучор мегардад.
Дар барнома ва подкасти Лоиҳаи мо доир ба омилҳои таърихии муҳоҷирати меҳнатӣ, афзалият ва камбудиҳои ин раванди иҷтимоӣ аз ҷониби коршиносон баҳо дода шуд. Ҳамчунин, таърихи муваффақият ва мушкилиҳои чанд муҳоҷир бо зикри далелҳои раднопазир аз забони худи онҳо дар барнома ва подкаст оварда шудааст.
Зикр кардан ба маврид аст, ки дар дигар барнома ва подкастҳои мо масъала ва муаммоҳои вобаста ба муҳоҷирати меҳнатӣ таҳлил ва баррасӣ карда мешаванд.

Маводи мазкур бо маблағгузории Иттиҳоди Аврупо ва дар чаҳорчӯбаи лоиҳаи “Тақвияти устуворӣ ба радикализатсия ва дезинформатсия дар Осиёи Марказӣ”, ки аз ҷониби Internews амалӣ мегардад, омода шудааст. ШТРР «Тироз» барои муҳтавои ин нашрия масъул буда, шарт нест, ки он мавқеи Иттиҳодияи Аврупо ё Internews-ро инъикос намояд.

 

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: