Коргоҳи меъмории WATG ғояи хонаи шакли абстрактиро коркард намуд, ки аввалин бинои дар 3D-принтер ба нашррасида мебошад. Студияи Wimberly, Allison, Tong & Goo (WATG) бо шарофати ғояи меъмории худ Curve Appeal дар озмуне, ки аз ҷониби ширкати Branch Technology гузаронида шуд, ғолиб баромад. Озмун дар байни меъморон, тарроҳҳон, муҳандисон ва рассомон гузаронида шуд. Дар назди онҳо супориш гузошта шуда буд, ки дар масоҳати аз 56 то 74 метри кватратӣ барои як оила лоиҳаи хонаро созанд. Лоиҳаҳои озмунӣ шикастани эстетикаи қолабии хонасозӣ, коршиносии системаи сохтмон ва сохту таркиби сохтмони муосир буд. Шарти махсуси озмун аз он иборат буд, ки лоиҳа бояд дар ҳамоҳангии ғояи Freeform тартиб дода шавад, зеро он шакли ғайриоддии биноро ифода мекунад.
Контсептсияи Curve Appeal аз ошхона, ҳаммом, меҳмонхона ва хонаи хоб иборат мебошад. Шоёни диққат аст, ки биноро метавон бо истифода аз 3D-чоп бисозӣ. Одатан технологияи мазкурро танҳо барои сохтмони биноҳои шакли стандартидошта истифода мебаранд, вале кашфиётчиёни лоиҳаи Curve Appeal ҳатто бо истифода аз 3D-чоп тавонистанд, ки шакли абстрактии сохтмони хонаро офаранд.
Хона шакли ғорро дошта, дар ҳама ҷо истифодашавии сохтмони равоқӣ имкон дод, ки шакли нотакрори сохтмони бино ба даст ояд. Барои сохтмони хонаҳо аз 28 панел истифода бурда мешавад, ки дар 3D-принтер аз чоп бароварда шуда, берун аз ҳудуди майдони сохтмонӣ мебошад. Дар оянда панелҳо ба ҳам муттаҳид карда мешаванд, то ки шакли зоҳирии деворҳо, боми бино ва ҷузъиёти дохилии он ташкил ёбад. Ҳар яке аз ин элементҳо дар алоҳидагӣ ҷамъоварӣ карда шуда, танҳо пас аз он дар майдони сохтмон онҳоро ба ҳамдигар мепайванданд.
Дар натиҷаи ғолибият ба даст овардан дар озмун студияи меъмории WATG соҳиби мукофот ба ҳаҷми 8000 доллари ИМА мегардад ва дар соли оняда имконият пайдо мекунад, ки дар шаҳри Чаттанугаи ИМА хонаи Curve Appeal созад.
https://naked-science.ru/article/concept/pervyy-dom-svobodnoy-formy?utm_source=rnews
Нет комментариев