Ғолибони «Атласу адраси Суғд — 2018» муайян гардиданд

0
49 просмотров

5 декабр дар Қасри Арбоб бо иштироки Раиси вилояти Суғд Раҷаббой Аҳмадзода маросими супоридани ҷоизаҳо ба ғолибони Фестивали вилоятии «Атласу адраси Суғд — 2018» баргузор шуд.

Тавре дар чорабинии мазкур иттилоъ дода шуд, Фестивали вилоятии “Атласу адраси Суғд-2018” бахшида ба “Соли рушди сайёҳӣ ва ҳунарҳои мардумӣ” ва бо мақсади тарғибу ташвиқи либоси миллӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ ва рушди атласу адрасбофӣ гузаронида шуд.

Фестивали вилоятии “Атласу адраси Суғд-2018” дар ду давр — даври аввали он дар сатҳи шаҳру ноҳияҳо, муассисаҳои таҳсилоти олӣ ва миёнаи касбӣ ва даври дуюм дар маркази вилоят бо иштироки ғолибони даври аввал баргузор шуда буд.

Фестивал дар чанд бахш ҷараён гирифт ва довталабон барои ғолибият намунаҳои либосҳои омодакардаи худро пешниҳоди ҳакамон намуданд. Дар натиҷа Шоҳҷоизаи Фестивали вилоятии «Атласу адраси Суғд — 2018» ва 5 000 сомонӣ мукофотпулӣ насиби тарроҳ аз шаҳри Хуҷанд Нилуфар Тоҷибоева гардид.

Дар бахшҳои “Беҳтарин либоси миллии арӯсию домодӣ”, “Беҳтарин либоси кӯдакона”, “Беҳтарин либоси расмӣ” ва “Беҳтарин либоси идона” низ ғолибон муайян гардиданд. Дар зер ному насаби ғолибони бахшҳо оварда мешавад:

Ғолибони бахши «Беҳтарин либоси кӯдакона»:

Ҷойи якум ва 3000 сомонӣ ба тарроҳ Набиева Малоҳат аз ноҳияи Ҷаббор Расулов;

Ҷойи дуюм ва 2500 сомонӣ ба тарроҳ Зарипова Гулистон аз ноҳияи Кӯҳистони Мастчоҳ;

Ҷойи сеюм ва 2000 сомонӣ ба тарроҳ Ҷӯраев Хуршед аз шаҳри Конибодом.

Ғолибони бахши «Беҳтарин либоси расмӣ»:

Ҷойи якум ва 3000 сомонӣ ба тарроҳ Норчаева Гулҷаҳон аз ноҳияи Бобоҷон Ғафуров;

Ҷойи дуюм ва 2500 сомонӣ ба тарроҳ Каримова Дилафрӯз аз ноҳияи Айнӣ;

Ҷойи сеюм ва 2000 сомонӣ ба тарроҳ Шодиева Ойимхон аз  ноҳияи Зафаробод.

Ғолибони бахши «Беҳтарин либоси идона»:

Ҷойи якум ва 4000 сомонӣ ба тарроҳ Бердиева Орзугул аз ноҳияи Бобоҷон Ғафуров;

Ҷойи дуюм ва 3000 сомонӣ ба тарроҳ Муҳаммадиева Зиёда аз шаҳри Истаравшан;

Ҷойи сеюм ва 2500 сомонӣ ба тарроҳ Нарзуллоева Зулола аз шаҳри Исфара.

Ғолибони бахши «Беҳтарин либоси миллии арӯсию домодӣ»:

Ҷойи якум ва 4000 сомонӣ ба тарроҳ Хоҷаахмедов Абӯбакр аз шаҳри Панҷакент;

Ҷойи дуюм ва 3000 сомонӣ ба тарроҳ Ашӯрматова Каромат аз шаҳри Хуҷанд;

Ҷойи сеюм ва 2500 сомонӣ ба тарроҳ Саидова Зӯҳро аз  ноҳияи Спитамен.

Мукофотпулӣ ба муассисаҳои таҳсилоти олӣ ва миёнаи касбӣ:

Ҷойи якум ва 3000 сомонӣ ба Бобоҷонова Нигора — донишҷӯи курси 3 Донишкадаи политехникии Донишгоҳи техникии Тоҷикистон ба номи академик Муҳаммад Осимӣ;

Ҷойи дуюм ва 2500 сомонӣ ба Шокаримова Фирӯза тарроҳ аз Донишкадаи иқтисод ва савдои Донишгоҳи давлатии тиҷоратии Тоҷикистон;

Ҷойи сеюм ва 2000 сомонӣ ба Баҳодурова Фарангиз донишҷӯи курси 3 Донишгоҳи давлатии ҳуқуқ, бизнес ва сиёсати Тоҷикистон.

Инчунин барои иштироки фаъолона ба Бобоҷонова Манижа — донишҷӯи курси 3 Донишгоҳи давлатии Хуҷанд ба номи академик Бобоҷон Ғафуров дар ҳаҷми 1500 сомонӣ мукофотпулӣ тақдим гардид.

Манбаъ: Хадамоти матбуоти Раиси вилояти Суғд

Нет комментариев

Также рекомендуем